29 April 2010

Clash of the titans










ذهبت أنا و سوسن إلى فيلم " كلاش أوف ذا تايتانز" أو "صراع الجبابرة" في الترجمة العربية , كنا قد شاهدنا إعلانه و تحمست لمشاهدته جدا, بوصفه فيلما عن فكرة الصراع بين الآلهة و البشر, الذين بدأوا في التململ من نزق ساكني الأولمب في التحكم في أقدارهم, و مش عارف ليه توقعت إن الفيلم قد يكون على المستوى اللائق بمضمونه العام _ مدخلتش على الآ إم دي بي للأسف أشوف تقييمه و ردود الأفعال قبل ما أقرر _, توقعت إنه حيقدم شيء جديد أو مبهر عن فكرة الصراع الكوني اللي بيمثل ذروة الدراما في الميثولوجي اليوناني , مكنتش مهتم خالص أشوف فلسفة جديدة بقدر تقديم فنية جديدة للصراع ولو على مستوى الحكي, أسطورة "بيرسيوس" هي الأسطورة المفضلة طبعا لكل من قرأ إلياذة هوميروس, إنما الفيلم كان سيء تماما, حبكة في منتهى الضعف, حلول مفاجئة و غير مبهرة لأي موقف معقّد, أنا مش عارف أنا اللي بقيت عنيف ولا مبقتش حاجة تعجبني ولا اللي بشوفه سئ فعلا, لسه قاري بوست لـ برومثيوس عن الفيلم و معجب بيه جدا , و سبق و كتبت عن رسايل البحر و حسيت إن فيه مشكلة, لما كل اللي يقابلني يقولي إنه استمتع بالفيلم بشكل غير عادي, عمرو أخويا الأسبوع اللي فات قاللي إنه بيفكر يدخله للمرة السابعة , تقريبا على كل حال الفيلم المرة دي حتى بصريا غير مبهر و لحسن الحظ ده كان رأي الآنسة سوسن و إلا كنت اعتبرت نفسي في مزاج غير متزن لتقييم أي شئ



5 comments:

Anonymous said...

عزيزي الأستاذ محمود
تحيّة طيبة
شكرا جزيلا لك على الموضوع الممتاز. أنا فقط عبّرت عن إعجابي بالمؤثرات الصوتية والبصرية وتقنية الأبعاد الثلاثية الموظفة في الفيلم. لكن بالنسبة إلى القصة نفسها أظن أنني لا اختلف معك كثيرا في ما كتبته. كثرة الشخصيات وطريقة تسلسل الأحداث توقع المشاهد في حيرة ولا يعود يعرف من يقاتل من في الفيلم بل ومن هم الجبابرة الذين يتصارعون فيه.
مع خالص تحيّاتي لك.
بروميثيوس

محمود عزت said...

برومثيوس باشا
أولا أنا اللي أحب أشكرك على تدوينتك الجميلة عن الفيلم, و اللي انتقلت فيها إلى نقاط أخرى أمتع
مبسوط جدا إنك علّقت هنا
لإني فعلا بستمتع بمدونتك جدا
:))
نورتنا

Anonymous said...

فيلم تعبان تعبان تعبان، انا باه رحت بعد ما شفت تقييمه و كنت متوقع انه هيكون مش اد كده لكن للامانة عمري ما كنت اتصور انه هيكون سيئ للدرجة دي.

انت صح يا محمود

egypt news today said...

بلوج مميز حقا
تقبل تحياتى

أخبار السعودية

ملامح said...

شكرا على التدوينه
في إنتظآر جديدك