01 June 2009

نجمة المأساويات









كل فترة تفاجئني أشياء كهذي:

في طريقي إلى 6 أكتوبر ,على المحور, أرى لافتة إعلانية كبيرة عن صدور ألبوم الفنانة "لقاء سويدان " الجديد " فرحة حياتي " .
هل يتذكر أحد "لقاء سويدان " ؟
لقاء هي الممثلة المغمورة التي يمكنك أن تراها في حلقات برنامج مثل "بين الناس " فتشرد للحظة بينما تضغط وجبة العشاء على أنفاسك فتفكر في مستقبل ممثلة متوسطة المستوى و الجمال و الحضور مثلها, كيف تقضي أيامها أو تخطط لمستقبلها التعيس ؟
أذكر أنني من سنوات سألت أمي بينما نتابع المأساويات الأسبوعية "بين الناس" عن رأيها في "لقاء", هل تراها جميلة مثلا ؟, لا أتذكر الرد تحديدا لكنني أذكر بوضوح تعليق جميع أفراد الأسرة على عدم اتساق ملامحها بشكل واضح, لهذا ربما تذكرت لقاء على الفور حين رأيتها على اللافتة الإعلانية الضخمة .
حين وصلت إلى العمل لم أتعب إطلاقا في الوصول إلى ألبوم العزيزة "سويدان" ,و بسماع عدة أغان منه , قمت ببحث فوري عرفت منه أن العزيزة سويدان تزوجت منذ أعوام من السيّد حسين فهمي و هو ما يفسر كثيرا وثبة نوعية بين "بين الناس" و إصدار ألبوم غنائي فاشل..
والله زمان يا لقاء..
ا


11 comments:

زمان الوصل said...

كل ما أفتكر إن "لقاء" هى البنت اللىّ كانت بتظهر فى مسلسلات الأطفال بتاعة ماما "نجوى" و "صفاء أبو السعود" و كمان فى حلقات "هو و هى" أضرب كف على كف و أقول شوف إزّاى .. بس عموما .. أرزاق على رأى "فوزى" أو "سوسن" فى مسرحية "حواديت" :))

Zainab said...

هاهاهاهاااااااااااا
محمود أنا شفت الاعلان بتاع البوم لقاء في شارع شهاب فرحت راجعة خطوتين و منادية الأنسة دولت عشان تشوف و دولت لخصت الموضوع كله في كلمتين : مين دي؟؟

زينب

مـحـمـد مـفـيـد said...

نجم يا حوده من يومك
:)
واحشني

الست فرويد said...

رب العباد اذا رزق لا تسالن عن السبب
يا سيدى يعنى جت عليها
قول يا رب

enjy said...

اومال لو شفت الفيديون كريب بتاع الاغنية

دلع عينى دلع بس ايييييييييييه دلع الجدات

BaTaBeeT said...

leka2 swidan bet3'anni !!!

ana 7a2ol kelma wa7da.... and sorry... a7eeee !

أنـــا حـــــــــرة said...

انا بقى كنت كل ما شوفها ف برنامج الاقيها بتقول انها هتنزل شريط و ان حسين فهمى مش بيفرضها ف اعماله ده الدور اللى بيناديها .. كل ده عادى الواحد يستحمله انما لما تقول انها كانت داخلة الفن عشان تبقى مطربة و موهبتها ف التمثيل فرضت نفيها يبقى عيب ، و لما تنزل كليب تقول فيه خالص خالص جدا يبقى حسبى الله و نعم الوكيل

انا كل ما اشوفها اصلا بتتكلم عن الغنا بيبقى نفسى اوجهلها سؤال واحد هو انتى يا ماما بتعرفى تمثلى اصلا !!؟

لنا الله و لهم ميلودى و مزيكا

محمود محمد حسن said...

ايه ده هي لقاء سويدان طلعت مرات حسين فهمي ..اومال عبد المنصف متجوز مين ؟؟؟

ما تلخبطوناش بقى يا جدعان

:D

أنـــا حـــــــــرة said...

عبد المنصف متجوز لقاء الخميسى

بتاعة راجل و ست ستات
:)

مهندس مصري said...

قال ايه الدور مابقاش يفرض نفسه عليها الا بعد ماتجوزت حسين
وبعدين ياعم محمود ماتخليها تغني اهي بتعجن زي مالباقيين بيعجنوا

momken said...

مش دى الى كانت مذيعه اصلا وبتعمل نشره الاخبار يا جماعه ولا انا بيتهيألى

يعنى فجاه ظهرت المواهب دى كلها
الغريب ان حسين فهمى اصبح مذيع فى برنامج ومبيعمل حاجه تانيه

ممكن الراجل اتنازل للست عن ادواره وهى اتنزلت له عن دورها

وبكره تطلع كاتبه صحفيه...وتالف مزيكا وترقص كمان

ارزااااق


تحياتى