15 March 2008

virus c.....(2)





سألتها إن كانت تعرف تحديدا كيف انتقل لها الفيروس الكبدي سي , فقط كنت أسأل , من باب الفضول لا أكثر لأعرف كيف يتسرب الموت بهذه البساطة بين الناس , خمسة مرضى كبد يوميا على الأقل بفيروس سي يأتون إلى الإستقبال بشكاوى مختلفة , 60 % فقط من الحالات يتحمل عبئهم نقل الدم أو العمليات الجراحية , النسبة الباقية مجهولة المصدر..
" يبقى أكيد أمي من الـ 40 % دول" ,
قالت لي بنتها وهي تبتسم , بينما واصلت السيدة التذكر بشكل جدي طوال فترة الفحص المؤلم , تفكر بتجهم , وهي تظن ربما أنه سؤال محوري سيساهم في حل شكواها الآن , كنت قد ألقيت عليها عدة أسئلة تغطي كل وسائل العدوى المتاحة في مصر , لا لشئ , فقط لأنني خائف من يتسرب إليّ من المرضى الذين أصافحهم و أقيس لهم الضغط و السكر و أسحب منهم عينات وريدية و شريانية و أركب محاليل . عجزت السيدة عن تذكر أي شئ عن عدواها المميتة , فكففت عن إزعاجها بسؤال لن يغير عنها مجرى تدهور الحالة المتوقع خلال أشهر على الأكثر , فقط و أنا أقوم برسم قلب لها انتبهتْ هي فجأة :" تصدق ...زماان كان فيه ترعة قدام البيت عندنا في البلد...كنت ساعات بنزل فيها مع العيال " , قالتها بجدية تامة, أومأت برأسي وأنا أضبط أزرار الجهاز الموصّل بالأسلاك إلى صدرها و أطرافها و أفكر في أنها أكيد أصيبت بالبلهارسيا و تم علاجها عن طريق الكارثة الكونية , السرنجة الحديدية التي يتم بها حقن مديرية كاملة , الصعيد كله تقريبا تم حقنه بأربع سرنجات , " كانت أيام جميلة...كنا بنعوم طول النهار ", كانت تبتسم , وهي تحدق في سقف الغرفة و بنتها تسحب الفحوصات و الأوراق بعيدا لنتحرك بحرية , "مكنش فيه ساعتها مصايف ...الترعة كانت قدام البيت على طول ", بدا كأنها تعبر خلال غابة كثيفة من الأيام و الأحداث , تزيح بيديها الأفرع المتشابكة من أمامها لتصل إلى ضفة الترعة التي تركتها منذ سنوات بعيدة , "كنا بنتسابق .." , صفا وجهها تماما من جهامة الألم , نسيت تقريبا جنبها الأيمن الذي سحبها إلى هنا , طلبت منها أن تسترخي و تغلق عينيها لنبدأ , أسبلت جفنيها في وداعة .. "كانت أيام جميلة" , تنهدت في بهجة حقيقية و الجهاز يصدر أزيزه المتزامن مع خروج رسم القلب البطئ..



11 comments:

خمسة فضفضة said...

السلام عليكم ورحمة الله وبركاته

ياااه تصدق انا كمان من كتر الحالات اللي بتمر عليّ عندها فيروس سي وسبب العدوي مجهول بقيت مرعوبه ان اصحي فيوم الصبح الاقي عندي لاقدر الله فيروس سي

ربنا يعافينا ويعافي الجميع

M. Mehrez said...

دكتور شاعر بجد
انا فكرتي عن الدكاترة دايما انهم أشخاص غلاظ القلوب لا يستمعون لشكوى المريض..على الأقل دي تجربتي معاهم

بس حلوة أوي الصعيد كله تم حقنه بأربع سرنجات

radwa osama said...

تصدق..تدوينتك اثبتتلى ان الدكتور علشان يبقى انسان عليه ان يكون شاعر اولا

rasha said...

يمكن يكون المرض جالها لانها سابت البلد وجت هنا .......اكيد ولا ايه

شروق ..مدونة تحت العشرين said...

تقريباً مفيش حد في مصر ميعرفش حد قريبه مصاب بفيرس سي
في مستشفي الشاطبي في إسكندرية عرفت بنت أسمها رضوى كان عندها 16 سنة من حوالى سنتين البنت دي أساساً كان عندها لوكيميا و مرة نقولولها دم ملوث مش هي بس ده كل اللى كانوا معاها فأصبحوا مصابين بالأتنين مع بعض اللوكيميا و فيرس سي
رضوي كانت جميلة جداً بس الدنيا مرحمتهاش
------
أكباد المصريين في خطر
-------------------------------

كرانيش said...

الكلام ده حقيقى؟
ولا انت بتكتب قصه ولا واقع مصاغ بشكل ادبى؟

انا معلوماتى انك بتكتب عاميه

صح؟

عالعموم ايا كان فالشغل عالى من الناحيه الادبيه

اما من الناحيه الماساويه فمصر لها السقوط

ولنا نحن الله

drsamoor said...

nour/ma7moud

u write formal arabic as good as collequal...estamer wenabyyy

Mony The Angel said...

ana awel mara agy hena
bas al blog 3agabny awe
almost ereet mo3zam ur old posts
bgad 3abqary awe esloobak..
et2asart beeh gamed..
rabbena m3aak..

حمدى قناوى said...

سؤال عسير...ما اللزى يحملنا للحنيين لماضى كل ماْسينا التى نتنفسها الان هى نتاج تقيحاته؟؟؟؟

محمود عزت said...

خمسة فضفضة
فيروس سي يحيط بنا من كل اتجاه على ما يبدو
بتشوفي الحالات فين ؟


محرز بك
بل هم قساة غلاظ الأكباد
ربنا يعافيك من زيارتهم نورت يا باشا

رضوى
تسلمي :))

رشا
إحتمال برضه !


مدونة تحت العشرين
ربنا يرحم رضوى
ربنا يرحم وادي النيل كله!

دكتورة سمر
لا هو إنتي متعرفيش إني بكتب فصحى !
شكرا يا دكتور :))


كرانيش
اللي حكيته نصف حدث , نصف لم يحدث
زي أي شئ بيتم حكيه
واقع على صياغة
نورتي :))

موني
أشكرك :))
مبسوط إن المدونة عجبتك

حمدي قناوي
ربما لأن ذاكرتنا حينها لم يكن الفيروس قد لوثها بعد

Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

情色,AV女優,UT聊天室,聊天室,A片,視訊聊天室

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載