09 December 2007

ٍسرد أحداث هرس معلن









لو إبني طلع الأول على الجمهورية , على الكون , في الثانوية العامة
و ربنا المعبود
و ربنا
لو وقف على شعر دقنه
ما حدخله كلية طب
حتى لو رغبته الأخيرة و منتهى أمله ابن الكلب ده ما حخليه يعتبها
النهاردة كان أخر يوم في إمتحانات النظري
أنا متهشم نفسيا و أصبت بجميع أنواع الهلاوس و الضلالات و المخاوف خلال الفترة اللي فاتت
و صحيح
بحبك كل يوم
أكتر من اليوم اللي كان قبله


8 _ 12_ 2007



24 comments:

Nostalgia said...

كفارة يا زعيم

e7na said...

تتخرج بالسلامه ان شاء الله

Anonymous said...

شعر دقنه يا محمود ؟

الواد هاينزل ملتحي ومقصر بينا يكز على المسواك

يخرب بيتك
لبيت الامتحانات

سلامات ياطيب

محبتي
تلك التي لا أملك غيرها
أحمد

Lasto-adri *Blue* said...

لما الطربيزة دى وبتحلف عليها
:D
امال دى اقطع نفسى بقى على كدة

http://bluelue.blogspot.com/2007/01/asic-effect_22.html


يابنى م الآخر.. ابنك لو جه وقال لك طب.. ادى دقنى اهيه اللى عمرها ما ح تطلع.. لول.. لانت ح تقول له الف مرحب والف سهلا

شوف انا كنت كارهه هندسة ازاى
بس لما تتخرج من طب كدة وتحس بالفرق فى التعامل....... ابقى قابلنى لو قلت لاء
وابقى افتكر التعليق دا لما ربنا يرزقك ان شاء الله بابن زى فقلة القمر

مـحـمـد مـفـيـد said...

ايه يا عم محمود ده
ده انت صعبت عليا وكنت هعيط
وفي الاخر الاقيكي قالبها نحنحه
علي العموم
أمتحانات زي الزفت ومش عارف اشوفك

M. Mehrez said...

أكتر من كده ويزيح ربنا يا بني
معلش معلش
بس زي ما وعدتك...ان شاء الله اما تنجح اجيب لك سكوتر

وايه مهشم نفسيا دي يا ابني؟؟
قوم يا بني واضحك للدنيا هتلاقيها بتبص لك وتقولك ايه العبيط ده

يخرب بيت اللي يزعلك يا حوكة

yasmine said...

معلش بقي
انا بكره الامتحانات بس انا امتحاناتى بعد العيد
بس انا مهيأه نسي انى امتحن السنة الجاية بقي وخلاص

مصطفى اسماعيل said...

من ساعة ماقريت الديوان وانا عايز اقولك انك جميل اوووى


كلم ابنك انه يعمل اللى هو عايزه

كدة ولا ايه ؟
:)

M.Shalan said...

انت سنة ساته ولا ايه
احنا لسه بنمتحن
بس عادي
هو ايه اللي هيحصل
خدها ببساطة
مدام كده كده هناخدها
!!!!!!!!

عمر بوك ستورز said...

زورونا تجدون ما يسركم .


قائمـة من الكتب الأدبية والثقافية والفكرية المتنوعة للعديد من دور النشر

تحت سقف واحد، وبأسعار لا تقبل المنافسة

Anonymous said...

بحبك كل يوم
أكتر من اليوم اللي كان قبله





دي بتاعتي

أنونيمس said...

ههههههه

والله حلفت زيك كده

معلش كله هايفوت

بس تصدق انا حاسس اني عمري ما رجعت لما قبل امتحانات سنة سته رغم ان مر عليها يجي 3 سنين

معلش تجربة وربنا معاك

هشام الصباحى-المشى بمحاذاة رجل يشبهنى said...

جامد قوى التفصيل الرائع ده

fanan fa2eer said...

والله العظيم ومين سمعك يامحمود

ربنا معاك يارب وتخلص

أصل أنا خلصت امبارح

:)))))))

وهييييييييييه خلصت قبلكو

:))


ربنا معاكوا بقا وتخلصوا علي خير

m5m said...

كفارة وتمنياتى بالنجاح ...انت تخصص ايه يا محمود؟

غادة الكاميليا said...

انت حلفت انك مش هتدخله طب أنا مش هدخله تعليم من أساسه ثوانى بقى ياافندم أجيب كاميرا وأصورلك مكتبي اللى هو أنا مش في طب أصلا بس كل الكليات ولله الحمد بتجيب هلاوس
ده أنا بقالي كام يوم بشوف وأسمع حجات غريبة
سترك يارب
تحياتى
اه صحيح كنت عايزة أعلق على موضوع اسلام نبيه
كل ماافتكر الموضوع أتخيل انى اشتريت عربيه ( انشاء الله يعنى من غير مقاطعه) وقابلت أمين شرطة في السكة ابتزنى وعايز فلوس زى مابيعملوا مع كل السواقين وأنا بقى أبهدله ضرب ياه أمنية حياتى أضرب أمين شرطة

قلب يحب الأمل said...

الحمد لله وان شاء الله تبقى النتيجة زي الفل وربنا معاك

ma2tshren said...

ربنا معاك والله لما تتخرج هتقول دى كانت احلى ايامطبعا الايام المفهاش امتحانات
مع تحياتى

spellz said...

looooooooooooooool
kafaraaaaa
Alf alf gneeeeeeeeeh
w meen sem3ak ana lw ay 7ad mn 3yaali 3amalhaa hawalla3 feeeeeh
\m/\6/\m/

مصطفى السيد سمير said...

اية يا عم انت حتقلقنا لية والواحد في بداية حياته
انا لسة في خامسة يا جدعان
بس تعرف
لو ابني كان عايز يدخل طب
حاوريله البوست دة
ولو صمم
حادخله
يستاهل

صاحب المضيفة said...
This comment has been removed by the author.
صاحب المضيفة said...

انت ياعم صعبان عليك حالك قوي كده

وبعدين ابن الكلب ده ماله بقى

يقف على شعر دقنه هو حر

انت زعلان ليه

هو انت اللي هتدرس ولا هو

مش تاخد الموضوع على صدرك

وربنا ها يسهل ان شاء الله


سلام يا كبير

Amr Magdi said...

محمووووووووووود
ربنا ينتعك بالسلامة يابني إنتا واللي زيك

والله صعبانين عليا وصعبان عليا نفسي لما يجي الدور عليا .. ربنا يستر


هانت خلاص شد حيلك

Anonymous said...

اقولكم حاجة انا توصلت اليها بعد تفكير عميق ابنى خلص ثانوية عامة وقال كفاية كده قلته خد تجارة سهلة وخلاص قال لا وسألنى اما يخلص ها يعمل ايه قلت هاتجى تشتغل معاى فى المصنع مدير قال لا انا هاجى اشتغل عامل معك لحد مااوصل لمدير اكون عرفت كل حاجة عن الشغل قلت فى نفسى الواد بيفكر تفكير عالى جدا الحمد لله جه المصنع يوم نزل قعد مع العمال تانى يوم لاقته قاعد على مكتبى قال انا مش هابقى رئيس مجلس الادارة قلت اه بعد ما اموت قللى خلاص انا معك اتعلم ابقى رئيس مجلس ادارة على طول بدل ما اضيع وقت وطول النهار داير فى المصنع يشاكس فى المهندسين والعمال