19 September 2007

حفل توقيع شغل كايرو






من زمان والله و أنا نفسي أعمل الإعلان ده :))

تعلن دار ميريت للنشر و التوزيع عن إقامة حفل توقيع ديوان "شغل كايرو " للوجيه المحترم الشاعر الرومانسي محمود عزت و ذلك في الموافق السبت 22 سبطمبر (السبت اللي جاي يعني ) في تمام الساعة التاسعة مساءا
و سيلقي الشاعر باقة من أفضل تواشيحه الدينية بمناسبة الشهر الفضيل يلي ذلك تلاوة مباركة لما تيسر من القرآن يلقيها علينا الشيخ إبراهيم سيد العارفين
مسائكم سعيد مبارك إن شاء الله

دار ميريت :
6 ب شارع قصر النيل

ملحوظة : نفس الصيغة دي حتقراها في الفايس بوك مرتين...فلو سمحت ما تتخنقش مني ثم أصلا أنا بذاكر و المفروض أكون مش فاضي أقعد أغير في الصيغ



19 comments:

سقراط said...

خسارة، مش هأبقى لسة رجعت
لازم تعمل لي حفل توقيع مخصوص

ويا ترى هيبقى فيه أكل؟ :)))

مبروك

محمود عزت said...

والله يا سقراط باشا مش عارف الموضوع حيبقى فيه أكل ولا لأ !
بس نعمل حفلة توقيع ليك مخصوص يا فندم عند عمرو و محشي و بيبسي و بيتي فور كمان !
تيجي بالسلامة إن شاء الله
الله يبارك فيكي :))

Nostalgia said...

ألف مبروك يا باشا ..
تستاهل كل خير

طلال فيصل said...

انا بقترح يكون فيه رقاصة..قول اتنين ..واحدة شرقى وواحدة غربى..
هههههههههههه
الف مبروك يا جميل..والى لقاء هناك

كراكيب نـهـى مـحمود said...

محمود- اخيرا مبروك مبروك
عملت لك اعلان عندي
احم احم وصلحت بعض المعلومات
هيههههههههههه
يوم جميل وحفلة ناجحة ان شاء الله

محمود عزت said...

نوستالجيا
الله يبارك فيك :))

طلال باشا
تعالى إنت بس و بإذن الله على هامش السهرة الرمضانية نقيم إحتفال صغير عربيد عشانك
الله يبارك فيك و عقبال الملائكة بإذن الله :))


نهى محمود
الله يبارك فيكي و ألف شكر يا فندم
هو التعديلات دي كانت ضرورية في ظل إن اللي حيقرا الإعلان الأصلي كان لايمكن ييجي الليلة من أساسه:))
أشكرك و كل سنة و إنتي طيبة

fanan fa2eer said...

مبروك يامحمود

عقبال اللي بعده واللي بعده واللي بعده
ان شاء الله في تقدم دايما

ربنا يوفقك
يوفقنا كلنا في السنة الكبيسة اللي احنا فيها دي

تحياتي

محمد المصري said...

حكايتي مع الديوان ده غريبة حبتين !
أول مرة أسمع عنه كان من واحد صاحبي كان مقتنع بيه جداً وإن كُنت بثق في رأيه فهو مدانيش سبب معين لإعجابه غير إنه حبُّه وخلاص ! ، كان وقتها الديوان هينزل قريب في ميريت ، لما نزل وروحنا كنت جايب كتب كتير .. والاتنين اللي كانوا معايا جابوا نسخ من شغل كايرو ، صاحبي ده كان بيقولي مش هتجيب نسخة من الكتاب ؟! ، ابتسمت ببرود وقلتله "بُص يا أحمد هو العلم لا يُكيل بالباذنجان وأنا مش بحب أحسبها كده .. بس ديوان أمين حداد ده 200 صفحة باين وبعشرة جنية ، كتاب محمود اللي أنا لسه معرفش شغله هيبقى عامل إزاي 76 صفحة وبرضه بعشرة جنية ! ، هبقى أخده من حد منكم"

يومها نزلنا وكنا بنلف بالعربية ، مسكت الديوان وشدني من البداية بس قلت ، همم ، يعني كويس ، لحد ما وصلت لجملة بتقول فيها :

كلمه إن ربنا
مش زي ما حد حيقوله
لكن زي ما هو حيعرف
كلمه إن الناس مش بتقصد
الناس بتقول و خلاص

وقتها حسيت إني بقرا حاجة مهمة فعلاً .. وجيدة بجد ، افتكرت نجيب سرور وهو بيقول "الشعر لو مس قلبي وقلبك شعر بصحيح" وقلت إن اللي أنا بقراه - رغم إنه مش مقفي ولا فصيح - شعر فعلاً وقلت لأصحابي دول : الديوان ده بريحة إمبابة أوي ..

---

محمود
أنا لسه من وقتها مرحتش ميريت عشان أجيب نسخة ، بس اتأكد يعني إني في أقرب وقت هعمل ده ..
في جملة أكيد سمعتها كتير بس هي اللي بعرف أمدح بيها حد لما يعجبني شغله : انتَ فنان بجد

مبروك يا محمود

محمود عزت said...

سالي :
الله يبارك فيكي يا سالي و يكرمك
مبسوط إنك هنا
:))


محمد المصري :
ردك ده كان هدية ربنا ليا في فجر النهاردة :))
أنا مبسوط جدا إن الديوان عجبك
و مبسوط أكتر إنك اهتميت تكتب تحديدا إيه اللي عجبك و إزاي
ردك فعلا مقدرش أرد عليه بحاجة لإن أكيد حكتب كلام مش حيعرف يوصلك أنا مبسوط قد إيه
أشكرك يا محمد
ولو قدرت تكون موجود في حفل التوقيع فأنا حكون سعيد جدا :))
كل سنة و إنت طيب
الله يبارك فيك
و خلينا نشوفك :))

shaimaa said...

مبروك والف مبروك كمان
وربنا يوفقك

بس مش شايف
ان قران و تواشيح دى متركبش مع ميرت

رايى انك مكنتش هرجت بالدين
ربنا يوفقك

e-nadaha said...

مبروك يا محمود..انا فرحانالك اوى يا كاتبى المفضل..

محمود عزت said...

الله يبارك فيكي يا شيماء
و ربنا يكرمك و يوفقك على طول :))

و يا شيماء فعلا أنا مش شايف أي نوع من التريقة على الدين في الموضوع
الله أعلم فعلا بنيتي و أنا بكتب الإعلان ده
إزاي بس حتريق ولا أهرج على القرآن فليلة زي دي الواحد بيدعي ربنا تبقى ليلة جميلة و أبقى مبسوط بيها :))
أنا كاتب عن الحكاية بالتفصيل عند نهى مصطفى
كل سنة و إنتي طيبة


نداهة !
ياااااااااااااااااااه
حمد الله على السلامة :))
الله يبارك فيكي
ربنا يكرمك
مبسوط لإنك فرحانة :))

islam yousef said...

مبروك يا أتاذمحمود على الكتاب عقبال اتلتانى
مدونة جميلة

Anonymous said...

شغل كايرو (خواطر امبابي مصري )الديوان هاااااااااايل

fawest said...

انا جيت
نورت البيت
أقصد
الديوان منور بصحابة
مبروك
ودى أول مرة اعدى الكوبرى دة
بس باين علية حاجة أورجينال خالص
حاجة كدة زى لحمة الزمالك

أحمد الشمسي said...

محمود بك عزت... ألف مبروك!
كان نفسي ابقى من سكان القاهرة بس عشان أحضر حفلة توقيع ديوانك الأول!
؟video conferenceينفع تعملنا

summar said...

على فكرة مبروك جدا
حاجة تفرح
وانا كمان عايزة ديوان واعمله فى كتاب
اعمل ايه؟؟
:)

MariaM Bent Omran said...

أولا مبروووووك على الديوان الجميل ده
أنا بدأت أقرا فيه و لغاية دلوقتي عاجبني جداااااا

أنا أول مرة أدخل مدونتك و ده بسبب جهلي

بس فعلا مدونة جميلة لانسان يهلك من الضحك كاتب ديوان جااااااامد

تحياتي

محمود فهمى said...

الف مبروك يا محمود ولو انها جت متأخر