18 June 2007

ما بلاش نتعوّد كده على بعض




بودلير : أنا حاسس إن الديوان ضعيف جدا
إسلام خليل= لا صدقني جميل
_ الشغل الجزئي فيه كويس بس الفكرة عامة مش قوية
_ لا لا , إنت شاعر جميل
= أنا بفكر أدخل بيه مسابقة بس قلقان و محبط
= إزاي؟ توكل على الله بس
- أنا محبط جدا ! متحاولش تطيب خاطري
= يابني و حطيب خاطرك ليه ؟
_ أنا عارف إنه ديوان سيء جدا
= !!
_ ممكن تقولي رأيك بصراحة
= قلت لك
_ لا أنا عايز بصراحة
= في إيه ؟
_ في الديوان ..
= زبالة ..
-زبالة ؟
= زبالة..
_أوك , شكرا , سلامو عليكو
= و عليكم السلام و رحمة الله و بركاته


4 comments:

wael said...

صدق قريتها حوالي 10 مرات عشان افهم اي حاجه بس الحمد لله برده ما فهمتش اي حاجه
الله يكرمك يا بيه راعي اخوانك في الصومال وابقى اكتبلي حاجه افهمها

الابن الضال said...

وعليكم السلام ليه؟؟
ما تخليك قاعد شوية يا عم

السهروردى said...

فاهمك يا بيه فاهمك
عارف أنا الناس دول
عمرهم ما حيحسوا بإنهم كويسين وده إحساس كويس وممكن يكون دافع للتطوير بس مشكلته إنه لما بيزيد عن حده بيبقى شى ماسخ على رأي الأخوة الشوام
ده اللى بيسموه الإستهلاك بالتعاطف

فيه ناس لما تحس بده بتعمل زى أخينا كده تقوله اللى هو مش عايز يسمعه منه
والأول كل اللى عايزه إنه يتطبطب ويتدلع
ويا طبطب وأدلع
لا يقولى أنا اتغيرت عليه
:)

بس بذمتك بودلير برضه بيقول "أوك"؟
وبعدين مش إسلام خليل ده اللى بيكتب أغانى شعبولتى؟
وقد يجمع الله الشتيتين بعد ان ظنا ألا تلاقيا
:)
وبلاش نتعود على كده

سارة بنت الدشناوي said...

لا حول و لا قوة إلا بالله و الله كان كويس وعال العال ، طول عمره سيد العاقلين ، يا تري ايه بس اللي جرالك يا محمود يابني ، اوعي تتعدي مني يا محمود اعمل معروف ، العاقلين في معارفي عمالين يقلوا يقلوا و انا شاكة كدة و الله اعلم ان لي يد في الحكاية دي :) و بعيدا بقة عن التهريج و لا يهمك كلنا هذا الرجل ، انا كل ما اكتب حاجة اروح اقول لكساب قطعتها ؟ و كل ما اقرأ حاجة لأنتيمتي اقولها تقرف مش كدة ؟ بس بيني ما بينيك و عشان منخنوقش اللي حوالينا لو احنا فعلا مقتنعين اننا زبالة اوي كدة مكناش كتبنا و بعدين انا حنصحك نصيحة نصحهالي خالد كساب ، اعتبر نفسك بتكتب لنفسك مش للناس و متقلقش من الحلة دي قادر ربنا يشفيني و يشفيك:)