23 May 2007

I need a gun , to keep myself from harm






كنت بشوف الأغنية دي كتير على قناة مزيكا أو ميلودي , طبعا شدتني الموسيقى جدا ده غير إن الفيديو كليب أصلا ممتع , و كنت دايما بفكر إيه دلالة الراجل قائد المدرعة اللي لابس طربوش ؟

إفتكرتها من فترة و قررت أحملها على الجهاز , جبت الكلمات و لقيتها جميلة مع إني مش فاهم أكتر من جملة

إتفرج :

DIRTY HARRY _ GORILLAZ



4 comments:

السهروردى said...

أكتر فريق أمريكى مهيس بأحبه
أنصحك بأغنيه ليهم إسمها كلينت إيستود
وفى واحدة تانية حأنصحك بيها بس لما أفتكر إسمها

حلوة صورة كوبرى إمبابة خصوصا وإنى بأحب الكوبرى ده عن جد وجدانى
:)
بس ياريت تجيب كام صورة كمان للكوبرى وتلزقهم فى الصورة دى عشان الصورة وهى ممطوطة كده شكلها وحش
وأحلى صباح لأحلى إمبابى
:)

محمد فوزي آل ربيع said...

يعني هوا حضرتك كائن عادي زينا بتتفرج على الحاجات دي و كدة يعني؟

لأ وكمان شفت تحت لقيتك حاططلنا بولا بولا و هيا كدة و مش هتتغير

فولا فولا إية ؟ دي بسبب التأثير المصري في اللغة بس

أنا سعيد إن حضرتك مدرك إن في الكون حاجات كتيرة أكتر من أحمد فؤاد نجم و كاميليا جبران و فيروز و اسكندريللا

تحياتي
مدونتك حلوة بس في البوست دة هديتلي كل اللي بنيته عن شخصية سعادتك

محمود عزت said...

ٍسهروردي
تسلم يا باشا
أنا فعلا ناوي في رة أسمع بقية اغانيهم بس لما أفوق بس
نورت يا باشا



محمد فوزي آل ربيع
أولا : هو مين اللي قال لحضرتك أصلا إني معرفش في الدنيا غير كاميليا جبران و إسكندريلا و أحمد فؤاد نجم ؟

ثانيا : مين اللي ضحك على حضرتك و قاللك إني كائن فضائي معنديش تلفزيون
مثلا ؟!!

ثالثا : هي فولا فولا حضرتك و إسمعها سعادتك , سلامة السمع..

رابعا : والله حضرتك حر في تصوراتك سواء كانت خاطئة أو صائبة , هدمها من عدمه لا يعنيني من الأساس لإني بكتب اللي أنا عايزه مع إني حاسس إنك داخل تعلق في مدونة واحد تاني غيري , لإني سعادتك كده حضرتك من ساعة سعادتك ما فتحت البلوج حضرتك

نبيــذ said...

هههههههههه
أنا داخلة أضحك على تعليق آل ربيع بس



حلوة صورة الكوبرى
زاوية التصوير نفسها