10 May 2007

في محبة مرعي بتاع الكِـلِـمة







حدث أن سألني صديقي و نحن نعبر الطريق عن أكثر من سأفرح لو قابلته فجأة في الطريق..
قلت : مرعي بتاع الِكـِلمَة
فـ"مرعي" أشبه ما يكون بـ "جودو "صمويل بيكيت الذي كنت لأشك انه اقتبس فكرته من القرموطي لو كان الأخير من معاصريه..
"مرعي " الذي ينتظره الجميع , و أجلس طوال الوقت أفكر و أنا أشاهد "القرموطي" أنه لابد سيظهر في مشهد ما أو يمر عرضا أمام الكاميرا
و رغم أن ابنه ظهر في فيلم "معلش إحنا بنتبهدل " إلا أنه ظل غائبا , يتحكم في الأحداث وراء الجميع
عزيزي مرعي بتاع الكلمة..
حين تقرأ هذه الكلمات أتمنى أن تريني نفسك ذات يوم , في أي مكان تحب
فاجئني مثلا عند بائع الجرائد اللي قدام الكلية و انا و سوسن نتفرج على العناوين , و قل لي : أنا مرعي بتاع الكلمة

صدقني حينها ربما تتغير حياتي كلها من الألف إلى الياء
تخيل أنك مثلا جالس في انتظار المترو و سألك أحدهم :
محدش سأل عليا ؟ أنا جودو ...
و لا تقلق لن أخبر أحدا , و سيبدو ذلك ساحرا لسوسن حين ترى أنني مهم للدرجة التي أقابل فيها مرعى بتاع الكلمة فتبتسم لي و تحبني أكثر


12 comments:

مرعى شخصيا said...

انا مرعى بتاع الكلمه
مين معايا؟

مـحـمـد مـفـيـد said...

انت عارف مين مرعي
اللي كان قاعد ورانا امبارح وابو زيد حاول يصوره
اي خدمه يا عم

Ali Abu-Taleb said...

انت عارف إن مرعي بتاع الكلمة شخصية حقيقية فعلاً وموجودة لغاية دلوقتي؟؟

walaaz said...

و من الفراغ ما قتل يا محمود

معلش

ادم المصري said...

ممممممممممم
بصراحه مش عارف ارد بايه ؟
.
.
احيانا ما نعبر بافاقنا حدود لا منتهية في ارض المستحيل
لذلك نري ما لا يراه الاخرون
.
تحياتي والسلام

mads said...

:)

السر اللى محدش يعرفه

انا اسمى محمد مرعى

بس بتاع أفكار ..

لو إتقابلنا صدفة يبقى من سوء الأقدار ..

لأن الإختلاف بين حضرة القرموطى وحضرة مادز كبير .. قد يصل لنتائج فظيعة .. من شأنها أن تدحض عندك أى نوع من أنواع الحب!

حب المغامرة أقصد،،

:)

www.mads.jeeran.com

محمود عزت said...

مرعي باشا أهلا بيك
مش تقول يا راجل


محمد مفيد
أمال كانت فين الكلمة ؟

أبو طالب
لا معرفش :)
قول بقى


ولاء
طيب و بعدين ؟


آدم المصري
ماتردش يا راجل
نورك كفاية


مادز
حيبقى من سوء الأقدار فعلا
حقك عليا معلش هي غلطتي أنا
انا عارف

الابن الضال said...

هو القرموطي ده لسة عايش؟؟
مش ده كان مسلسل بيجي زماااااااان في رمضان؟؟

محمد الهنداوى said...

يعنى انت عاوز مرعى نفسه
ولا عاوز كليم؟
بس مش جايز احسن يا محمود ما تقابلوش
ولا تعرف مين بيحرك الخيوط؟

نبيــذ said...

أتعتقد أن منى تنتظر مرعى لتحبك أكثر ؟

ahmedmariy said...
This comment has been removed by the author.
Anonymous said...

يا جماعة بجد انا قريب احمد ادم واسمى احمد محمد جابر مرعى من مدينة اسمها دسوق وهو لما عمل البرنامج خد اسمنا لاننا بتوع كلمة فعلا ولو حد عاوز يكلمنى او يشوفنى انا موقعى www.ahmedmariy.jeeran.com وتليفونى 0161211025 وارجو انكم تكونو مفسوطين وشكرا