10 April 2007

صباح القرية الظالمة









في الصباح
يقوم الجميع مندهشين
أن القيامة لم تقم بعد


المآذن صارت أطول
من البارحة قليلا
الآباء استداروا و اصلّعوا
الأمهات تتمتم ُ
و الأبناء يربّون لحاهم
فتطول
و تطول
و تطول
فيسحبونها ورائهم على الأرض
البنات يغطين وجوههن
و يقتربن أكثر من الجدران
يقتربن
يقتربن
و يختفين في الجدار
لماذا إذن ينهض الجميع
كالعراة
في القرية الظالمة


غطــِّنا يا ربّ
فنحن خائفون
من الوردة التي تمس الوردة ْ
و الولد الذي يعرف البنت
و البنت التي تعرف الولد
و النهد و الشفاه و الذكر
و أطراف الأنامل ..
خائفون من جلودنا الرهيفة
المكشوفة للذنب
خائفون من العشب الذي يحتك بالعشب
و النهر الذي يتحسس الضفة
و الجدار الذي يقترب من البنت
و يقترب
و يقترب
خائفون يا ربّ !
غطــِّنا أو خذنا


نحن ننتظر القيامة َ ياربّ
لكننا نقوم
فنجد الشوارع قد نهضت
و تفرعت
و فرشت ذراعيها على الأرض
النوافذ تبص على السماء
و تهز الستائر
جامعو القمامة يدقون الأبواب
فنضطر إلى ذلك..


الزبانية
التي ستأتي
لتعلق الجميع من فروجهم
و تشعل النار في البيوت
ستكتشف أنها للتو
عذبت قرية من العصاة العذارى

15 comments:

enadaha said...

البوست ده يخوف..
جرأه زايده و حاسه انك مخنوق..
بص..
اللى بيشوف القيلمه و بيحبها و بعدين يشوف ام ام الدنيا دى حلوه و يحبها..بيفهم اكتر شويه و بيتعب اكتر شويه من بقيت الناس..
مش ميزه ابدا..
دى معاناه..
انك تفهم بزياده و لما تييجى تعيش بفهمك تتصد بغباء شديد او ظلمه شديده زى القريه دى..
على فكره..
دى اجمد حاجه انا قريتهالك

و كمان يخرب عقلك يا محمود:)

M. Mehrez said...

تحفة يا محمود
لسة شايف موضوع عند براء حاسس انه ينفع معاه القصيدة دي اوي
http://wanamaly.blogspot.com/2007/04/blog-post_10.html

دمت مبدعا يا باشا
:D

محمود عزت said...

نداهة
:))
نورتينا
و أشكرك
أعتقد كلنا خايفين !


محرز
عايز أقولك حاجة واحدة بس
انا كتبت القصيدة دي بالظبط بعد ما قريت تدوينة براء , فكرت أحط لها لنك بس تراجعت
:))
دمت بتفهم !

M. Mehrez said...

هههههههه
مش بقولك فاهمين بعض
;)

عايز اقول حاجة كمان

"الزبانية
التي ستأتي
لتعلق الجميع من فروجهم
و تشعل النار في البيوت
ستكتشف أنها للتو
عذبت قرية من العصاة العذارى"


هم عصاة في نظر الزبانية فقط، لكن ربنا وحده اللي عارف إذا كانوا فعلا عصاه ولا ناس محترمين وبيخافوا ربنا أكتر من الزبانية مدعي الفضيلة

مروة ابوضيف said...

اللللللللللللللله مشهد سوداوي كامل خالص الجمال و الصدق
هاروح دلوقتي اشوف موضوع براء اللي بتقولوا عليه
مش عارفة ليه علي فكرة بس القصيدة ده فكرتني تحديدا بموضوع التوربيني و قطر الصعيد اللي اتحرق زمان فاكره؟؟؟؟
مش موضوع قطارات قبل متفكر و الله هههههه بس الموضوعين دول من اكتر الماسي اللي هزتني و قصيدتك فكرتني بيهم اوي اوي سوااااااااااااد و خوف لكن حاساه مستحق
الدنيا بتعطن يا محمود بتعطن فعلا و الناس طيبين او اشرار بتنداس و تتحرق مش قادرة اتعاطف معاهم تماما لانهم ساكتين و لا قادرة اكرههم و الوهمهم لانهم هيقولوا ايه؟؟
كان خطيئتنا الاولي ورانا نزلنا من الجنة بتفاحة و التفاحة لفت حولينا عطنها نخنق نفسنا بيه
مش عارفة يا محمود بس اللي انت كاتبه حلو اوييييييييييييي

arabesque said...

بجد جميلة أوي يا محمود وحقيقية جدا

فكرتني برباعيتين لجاهين باحبهم أوي لكن موودهم أخف شوية...تفاؤلي أكتر -ا" حدوتة عن جعران وعن خنفسة " و"النهد زي الفهد نط اندلع"- لكن السوداوية دي مناسبة فعلا لمستوى الانحطاط اللي وصلناله

فكرتني كمان بكلمة واحد صاحب أخويا قالها له
قاله: احنا اللي هندخل جهنم بلوشي

توتة توتة said...

هو ده ممكن يكون صباح و المساء شكله ايه

سيمو said...

حلوه بجد وجريئه فكرتنى بقصيده لنزار قبانى تقريبا اسمها خبز وقمر وحشيش مش متاكده بس قلبت عليه الدنيا لكنها فعلا كانت صادقه جدا
ياريت الفن فعلا يمس قضايانا قوى كده

نورهان مفيد said...

جميلوة بجد يامحمود ومش عارفة ليه حسيت بالخوف لما قريتها
يمكن لان اللي بتتكلم عنهم مسيطر عليهم الخوف
خوف من الوردة التي تمس الوردة
والبنت اللي تعرف البنت والعكس
بس بجد جامده

رانيا منصور said...

جميل يا محمود

أو نقدر نقول "مفزع"

حالنا يعني

خوف من الوردة!

ممكن نوصل لده؟

ممكن؟؟

ماظنش طول ما في حد بيعترض

سمايلي يحييك يا دوك..

Alaa said...

طيب بذمتك يعني أنت مكنتش متوقع أنه يمسحوها؟ دي قصيدتك نفسها متوقعة أنهم يمسحوها هو قهوة كتكوت هتختلف عن المدينة يعني؟

حلوة قوي يا محمود

الابن الضال said...

انا مش قادر افهم هو القصيدة فيها ايه يخليها تتحذف!!!

حَمُكْشَة said...

أفضل قصائدك،
يا أخي إنت شاعر!
هنيئا لإمبابة ولنا.

MaMaDo said...

Really freaked my out. I felt very blue. UR words were great. Congrats.

Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

情色,AV女優,UT聊天室,聊天室,A片,視訊聊天室

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載