24 March 2007

"المواطن الصالح ..."أنا كمثال







كنت كانت بوست طويل عريض بس مسحته
الخلاصة :
النهاردة الصبح وصلني على الإيميل نص التعديلات الدستورية
فحسيت أولا إني كمواطن صالح مهتمتش قبل كده إني أدوّر على النص الأصلي عشان أقرا أو أفهم أي حاجة..
إكتشفت برضه إني خدت قرار المقاطعة بناءا على مناقشة بسيطة حصلت قدامي عن الموضوع فهمت منها إنها حتفتح الباب لبلاوي سودا , بالإضافة إلى قناعة راسخة بإن الحكومة لا يمكن حتعمل شيء في مصلحتي و ده شعور في اللاوعي بتاع أي مواطن صالح...مثلا يعني أحمد عز حيتعب نفسه و يختار قرار عشان مصلحة طالب في كلية طب ليه إن شاء الله ؟
أما الأدهي و الأمرّ إني لما قريت عديت على الكلام و محستش بأي مشكلة و فاكر إن فيه تكملة للمادة 179 هي اللي عليها الإعتراضات , بس لقيت إنه عبارة عن فقرة واحدة


الفصل السادس
مكافحة الإرهاب
(179 )
تعمل الدولة على حماية الأمن و النظام العام في مواجهة أخطار الإرهاب و ينظم القانون أحكاما خاصة بإجراءات الإستدلال و التحقيق التي تقتضيها ضرورة مواجهة تلك الأخطار و ذلك تحت رقابة القضاء..


يعني لو مكنتش سمعت أي مناقشات أو حصل أي قلق حواليا مكنتش عرفت إيه المشكلة في الفقرة دي اللي لحد الآن مش عارف فين تحديدا يكمن الخازوق الدستوري..

على كل حال , أنا سعيد إني وصلت للدرجة دي من المواطنة في مصر..
اللي فيها المواطن مش فاهم أي حاجة ولا عايز , و بيعارض لمجرد إنه عارف إن الحكومة لا يمكن تعمل شيء في مصلحته و بيكره
كل المسئولين و حاسس إنهم حرامية و بيستغرب لما بيشوف حد أو يسمع عنه إنه شريف !

فلو سمحت متبقاش مواطن صالح و إقرا أم التعديلات الدستورية و إسأل و استشير عشان أنا حسيت بإن ممكن تحصل أي حاجة في البلد دي و أنا مش حاسس أو عارف أو فاهم أي حاجة عنها ..


# posted by bluerose : 8:06 AM

نص الدستور
http://constitution.sis.gov.eg/ar/html/arconst3.htm

التعديلات المقترحة
http://constitution.sis.gov.eg/ar/html/news12.htm

التعديل المقترح للمادة 179 اللي وصلتك مش كامل

دا التعديل الكامل

""الغاء نظام المدعي العام الاشتراكي وما يستتبعه من الغاء محكمة القيم وتنتقل الاختصاصات التي كانت موكولة إليهما الي جهات القضاء. إستحداث اسم جديد للفصل السادس ينظم حماية الدولة من الارهاب .. ومادة جديدة تسمح بسن نظام قانوني يختص بمكافحة الارهاب وتجفيف منابعه ليكون بديلا تشريعيا لمكافحة هذا الخطر دون حاجة لتطبيق قانون الطواريء يوضع عنوان بديل للفصل السادس وباحلال نص جديد بدلا من نص المادة 179 التي طلبت الغاءها يسمح للمشروع بفرض الاحكام الكفيلة بحماية المجتمع من الارهاب وبحيث لا تحول الاحكام الواردة في المواد 41 الفقرة الاولي و44 و45 الفقرة الثانية دون قدرة اجراءات مكافحة الارهاب علي التصدي لاخطاره وآثاره الجسيمة والتأكيد علي ان يكفل القانون تحديد رقابة قضائية علي تلك الاجراءات ولضمان التصدي بحزم لخطر الارهاب ويدفع اي عدوان او مساس غير مبرر بحقوق الانسان مع اتاحة سبيل لسرعة الفصل في قضايا الارهاب
""


يهمني هنا الجزء دا ""يسمح للمشرع بفرض الاحكام الكفيلة بحماية المجتمع من الارهاب وبحيث لا تحول الاحكام الواردة في المواد 41 الفقرة الاولي و44 و45 الفقرة الثانية دون قدرة اجراءات مكافحة الارهاب علي التصدي لاخطاره وآثاره الجسيمة""

ايه بقى المواد 41 و 44 و 45 اللي المادة بتقول انهم مش مفترض يكونوا مانع لاجراءات التصدي للارهاب؟؟؟


"المادة (41)
الحرية الشخصية حق طبيعي وهى مصونة لا تمس، وفيما عدا حالة التلبس لا يجوز القبض على أحد أو تفتيشه أو حبسه أو تقييد حريته بأي قيد أو منعه من التنقل إلا بأمر تستلزمه ضرورة التحقيق وصيانة أمن المجتمع، ويصدر هذا الأمر من القاضي المختص أو النيابة العامة، وذلك وفقا لأحكام القانون. ويحدد القانون مدة الحبس الاحتياطي"


يعني يا سيدي تحت دعوى مكافحة الارهاب يجوز دستوريا القبض أو تفتيش شخص دون اذن نيابة و حبسه لمالانهاية


"المادة (44)
للمساكن حرمة فلا يجوز دخولها ولا تفتيشها إلا بأمر قضائي مسبب وفقاً لأحكام القانون"

يعني تخت شعار مكافحة الارهاب يجوز دستوريا لأي ظابط أو أمين شرطة يدخل بيتك و يفتشه من غير اذن قضائي


""المادة (45)
لحياة المواطنين الخاصة حرمة يحميها القانون. وللمراسلات البريدية والبرقية والمحادثات التليفونية وغيرها من وسائل الاتصال حرمة، وسريتها مكفولة، ولا تجوز مصادرتها أو الإطلاع عليها أو رقابتها إلا بأمر قضائي مسبب ولمدة محددة ووفقا لأحكام القا""

اللي يغيظ بقى ان يطلع واحد زي عبدالله كمال امبارح في البيت بيتك يقول ان فيه مواد في الدستور لم يتم تعديلها نهائيا لأنها مهمة جدا و ضرب مثل بالمواد 2 و 41 و 44 و 45 لأنها كما قال لا ينبغي تعديلها
طبعا ماجابش سيرة تعديل مادة أخرى تبطلهم...


23 comments:

wael said...

يا دكتور محمود خوازيق الدوله كتير مش لازم تبقى خوازيق دستوريه
يا عم مفيش احلى من انك تبقى مواطن مصري صالح ملكش في اي حاجه بس كل حاجه ليها فيك
مشكلتي ان انا كمنتاتي عندك مراقبه بجد يعني بكتبلك وانا مقلق

محمود عزت said...

حبيب قلبي والله يا وائل !
متخافش يا ريس
قول و متخافش
:))

bluerose said...

نص الدستور
http://constitution.sis.gov.eg/ar/html/arconst3.htm

التعديلات المقترحة
http://constitution.sis.gov.eg/ar/html/news12.htm

التعديل المقترح للمادة 179 اللي وصلتك مش كامل

دا التعديل الكامل

""الغاء نظام المدعي العام الاشتراكي وما يستتبعه من الغاء محكمة القيم وتنتقل الاختصاصات التي كانت موكولة إليهما الي جهات القضاء. إستحداث اسم جديد للفصل السادس ينظم حماية الدولة من الارهاب .. ومادة جديدة تسمح بسن نظام قانوني يختص بمكافحة الارهاب وتجفيف منابعه ليكون بديلا تشريعيا لمكافحة هذا الخطر دون حاجة لتطبيق قانون الطواريء يوضع عنوان بديل للفصل السادس وباحلال نص جديد بدلا من نص المادة 179 التي طلبت الغاءها يسمح للمشروع بفرض الاحكام الكفيلة بحماية المجتمع من الارهاب وبحيث لا تحول الاحكام الواردة في المواد 41 الفقرة الاولي و44 و45 الفقرة الثانية دون قدرة اجراءات مكافحة الارهاب علي التصدي لاخطاره وآثاره الجسيمة والتأكيد علي ان يكفل القانون تحديد رقابة قضائية علي تلك الاجراءات ولضمان التصدي بحزم لخطر الارهاب ويدفع اي عدوان او مساس غير مبرر بحقوق الانسان مع اتاحة سبيل لسرعة الفصل في قضايا الارهاب
""


يهمني هنا الجزء دا ""يسمح للمشروع بفرض الاحكام الكفيلة بحماية المجتمع من الارهاب وبحيث لا تحول الاحكام الواردة في المواد 41 الفقرة الاولي و44 و45 الفقرة الثانية دون قدرة اجراءات مكافحة الارهاب علي التصدي لاخطاره وآثاره الجسيمة""

ايه بقى المواد 41 و 44 و 45 اللي المادة بتقول انهم مش مفترض يكونوا مانع لاجراءات التصدي للارهاب؟؟؟


""""المادة (41)
الحرية الشخصية حق طبيعي وهى مصونة لا تمس، وفيما عدا حالة التلبس لا يجوز القبض على أحد أو تفتيشه أو حبسه أو تقييد حريته بأي قيد أو منعه من التنقل إلا بأمر تستلزمه ضرورة التحقيق وصيانة أمن المجتمع، ويصدر هذا الأمر من القاضي المختص أو النيابة العامة، وذلك وفقا لأحكام القانون. ويحدد القانون مدة الحبس الاحتياطي""""


يعني يا سيدي تحت دعوى مكافحة الارهاب يجوز دستوريا القبض أو تفتيش شخص دون اذن نيابة و حبسه لمالانهاية


""المادة (44)
للمساكن حرمة فلا يجوز دخولها ولا تفتيشها إلا بأمر قضائي مسبب وفقاً لأحكام القانون""

يعني تخت شعار مكافحة الارهاب يجوز دستوريا لأي ظابط أو أمين شرطة يدخل بيتك و يفتشه من غير اذن قضائي


""المادة (45)
لحياة المواطنين الخاصة حرمة يحميها القانون. وللمراسلات البريدية والبرقية والمحادثات التليفونية وغيرها من وسائل الاتصال حرمة، وسريتها مكفولة، ولا تجوز مصادرتها أو الإطلاع عليها أو رقابتها إلا بأمر قضائي مسبب ولمدة محددة ووفقا لأحكام القا""

اللي يغيظ بقى ان يطلع واحد زي عبدالله كمال امبارح في البيت بيتك يقول ان فيه مواد في الدستور لم يتم تعديلها نهائيا لأنها مهمة جدا و ضرب مثل بالمواد 2 و 41 و 44 و 45 لأنها كما قال لا ينبغي تعديلها
طبعا ماجابش سيرة تعديل مادة أخرى تبطلهم

محمود عزت said...

الله ينور عليكي يا دكتورة نرمين
حستأذنك أنقل التعليق ده للموضوع الرئيسي
شكرا جزيلا بجد :))

Ahmed Shokeir said...

بعد ماقريت موضوعك في الأجريجاتور كنت داخل اقول على الحكاية

بس بلوستون قالت كل حاجة

تحياتي لكما

BlueRose said...

هي يسمح للمشرع مش للمشروع
الغلطة مش من عندي , أنا واخداها كوبي و بيست من صفحة الحكومة :)))

محمود عزت said...

تسلم يا شقير
طول عمرك صاحب واجب :)


تم التعديل يا فندم ولا يهمك
دا إحنا بنشكرك والله :)

ert3ashat said...

لأ..لااااااااااااااا..توافق على التعديلات..ترفصها زي اي معارض ديه حريتك الشخصيه المكفوله في الكافوله..بس كله الا عبدالله كمال اللي نايم في ستوديو البيت بيته..ده كتر خيره انه بيسمعك تعليقه على الموضوعات امختلفه بما فيها انطباع المواطن الفرنسي بعد فوز مصر بكأس الامم عشان كان في فرنسا اياميها...

M. Mehrez said...

أعتقد يا دكتور بلو روز إنها المشروع مش المشرع
لأنه حسب سياق الكلام المقصود هو مشروع القانون الذي سوف يختص بمكافحة الإرهاب وتجفيف منابعه

المادة بتقول

"إستحداث اسم جديد للفصل السادس ينظم حماية الدولة من الارهاب .. ومادة جديدة تسمح (بسن نظام قانوني) يختص بمكافحة الارهاب وتجفيف منابعه ليكون بديلا تشريعيا لمكافحة هذا الخطر دون حاجة لتطبيق قانون الطواريء"

نظام قانوني يعني مشروع قانون لسة متعملش، لكن المادة دي هي الغطاء الدستوري له، وزي ما حضرتك شايفة المادة بتسمح لمشروع القانون ده انه يضع ما يشاء من مواد لمكافحة الإرهاب بدون ما يتأثر بالموادالدستورية أرقام 41 و44 و45

أنا عارف إن الواو مش هتعمل فرق كبير من حيث التطبيق، بس انا حبيت أزعجكم شوية
والأهم من كده إنكم بتتهموا موقع الدولة الرسمي بالأخطاء المطبعية، وده يندرج تحت جريمة الإساءة لسمعة مصر وإهانة رئيس الجمهورية

:D

bluerose said...

محرز عنده حق
مش ان الصح مشروع لأني شايفة مشرع أصح
بس دا فعلا ممكن يبقى تهمة ناخد فيها سنة
رجع الواو يا محمود احنا مش هانعرف اكتر م الحكومة

sosa said...

السلام عليكم ورحمة الله وبركاته
انا باحثة واقوم ببحث عن المدونات وحرية الراى
واتمنى تفاعلكم معى من اجل الوصول الى بعض القواعد والقوانين التى تساعد المدونين على نشر ارائهم بكل حرية
وبقيود دينية اخلاقية تمهد وتنير وصول الكتابات الحرة الجيده مباشرة الى المسئولين والى قلوب الناس
اتمنى مساعدتى فى ملأ استبيان به بعض الاسئلة الخفيفة
وانتظر ردكم بالموافقة على معاونتى على المدونة الخاصة بى
http://crazy-sosa.blogspot.com/
او على الايميل
sosa_444@yahoo.com
ارجو تفاعلكم والاهتمام بالامر لجديته واهميته الشديدة
سارة الاسكافى

Nour said...

متقاطعش يا محمود
روح و قول لأة

walaaz said...

أنا كنت جاية أقول الكلام اللى قالته نورا دا

نقاطع ليه؟

أحمد عبد الهادى said...

مش عارف يا محمود، هل مطلوب منا كلنا إننا نكون أساتذة قانون ؟ أنا عن نفسي واثق في المعارضة و اللي بتقوله

لازم الناس تبقى صف واحد ورا المقاطعة في الحاجات دي، لازم نقاطع لجنة ملنر حتى لو حلفوا إنها هتجيب الخير

اللي بيحب سعد باشا يقاطع، حتى لو كان رأيه مختلف ، يقول رأيه زي ماهو عايز بس يقاطع برضه

نهى جمـال said...

طب اللي بيحب سعد باشا يعارض لمجرد إنه بيحبه

طب مشمكن سعد باشا يكون غلط

أنا مش مع إني اقاطع معارضة الدستور

لكن قبل أما أعارض لازم أفهم أنا بعارض ليه ؟

يعني مش مجرد جماد بيتحرك مع اللي شايف إنه معاه

أنا عارفه خرجت عن الموضوع يامحمود بس حبيت أعلق على أخر مشاركة

وانا موافقة إني أعارض بس أفهم بعارض إيه مش ثورة وتظاهر ع فاضي

محمود عزت said...

إرتعاشات
الله يحرق المذكور عبدالله كمال



محرز باشا
انا أسف جدا يا ريس إني مقدرتش أجي
أصبت بإلتهاب في عضلات الظهر و اتحرك بصعوبة
و نشكرك يا فندم
حضرتك خبير المدونات القانوني :))



بلو روز
انا مع الحكومة !
أنا في السليم !


قريني
انا حقاطع عشان التزوير حيتم , فمديش للتزوير مادة خام بوجودي !


ولاء
نفس الكلام


أحمد باشا عبد الهادي
لا طبعا
أنا مع سعد باشا
بس لازم الأقول أعرف سعد بيقول إيه على الأقل !
و برضه أشوف رأيي الحر في الموضوع , سعد يخطئ و يصيب
هي الثقة موجودة بس الوعي برضه لازم يكون موجود


نهى جمال
كلامك معقول يا فندم
و لايهمك
تعليقك في صلب الموضوع

hany el-gamal said...

ana 7ases enak bttkalem fe el syasa ya mahmoud :D..wna kda m2drsh adkhol el mdwna deh kteer sad2ny...3ayzen kda topicat hyafa 7aga kda dana,Hayofa..khaly el sha3b ye3esh

أحمد عبد الهادى said...

طبعا كلام نهى و كلامك مضبوط


خلينا نتجاوز نقطة رفض أو قبول التعديلات إلى نقطة إن أنا و إنت و ناس كتير رافضين، بس مختلفين في طريقة الرفض

الناس الكتير بيقولوا هنقاطع و أنا و أنت بنقول نشارك و نقول لأ

ساعتها المنطقي إننا نقاطع حتى لو مش مقتنعين بالمقاطعة

تصور مثلا إن في الأحداث الأخيرة 10 نواب من المعارضة أصروا على الإستقاله و الباقي لأ كان ده يبقى قرار له معنى ؟

مجرد إضعاف للمعارضة بلا طائل

فيه فرق بين رأيي و تصرفي، رأيى ده بتاعي أقوله و أناقشه و أحاول أقنع الناس بيه، لكن ساعة لما يكون فيه قرار عام للمعارضة يبقى أكيد همشي معاهم على نفس الخط من باب دعم المعارضه

يعني من الآخر اللي رافض التعديلات يقاطع

معانا ولا مع الناس التانيين يعني

طبعا يستثنى من كده الحاجات اللي تضر مصلحة البلد بجد، و أعتقد إن كفاية و أحزاب المعارضة كلها و الإخوان لا يجتمعون على باطل

:)

عموما ردي ده بالنسبة لنقطة المقاطعة أو المشاركة بالرفض أما مسألة الرفض و القبول من الأساس فدي تستوجب الإطلاع يا باشا و يسقط التقليد الأعمى

الله ..الوطن ..المعارضة

walaaz said...

وهو قبل كدا يا محمود لما صدعوا دماغنا بطلعوا البطاقة كانت مفيهاش تزوير؟

أما نشوف الافتكاسة دى هتوصل لأيه

سؤال لأستاذ عبد الهادى
هو الحاجات دى مش بجد؟

walaaz said...

واذا كان نواب المعارضة اللى هم كام بنى ادم عارفين بعض معرفوش يتفقوا ويستقيلوا سوا

المفروض هتعرف تعمل كدا مع كل الشعب؟

مين بقى اللى بيعمل أضعاف؟

عيزين مظاهرات واحتجاج ماشى ..لكن هل دا يغنى عن دا؟

مينفعش تقول ان نظرية القطيع هى الحل .. (امشى وراهم حتى لو مش مقتنع , هم كبار وفاهمين) بالزمة دا كلام !

أصلا لعلمك يا محمود
فى ناس هتروح أجبارى تصوت , الهيئات وغيرها .. يعنى مفيش حاجة تضمن ان نسبة المشاركة هتكون قليلة
يبقى نروح معاهم وكلنا نقول لأ

أو أضعف الايمان تبطل صوتك وتعلم ع الاختيارين

Dananeer said...

انا فعلا دماغى وجعتنى و وصلت لمرحله انى مش فاهمه حاجه

مجرد انك سمعت و قريت كلام عن مواد بعينها و تحذيرات من الفطاحل بالمواد الجديده اللى فى الدستور

حلو اوى

لما اكتشفت انى مقريتش الدستور و تعديلاته بنفسى
فتحت اصواتنا و قلت اشوف

الكلام المترتب ده متفهمش منه ايه اللى ورا السطور

المشكله انى كنت شايفه انى حاروح اصوت بلا
دلوقتى مش عارفه
و الاكتر بعد ما شفت الميدان امبارح خايفه

محمود عزت said...

هاني باشا الجمال
حنكتب عن روبي ....ولايهمك !


أحمد باشا عبد الهادي
اللي بتقوله ده كلام مهم
أنا شايف كده , إني قدر الإمكان أثق في رأي الأكثر مني بخبرة بشئون المعارضة , أو أصحاب التجارب و الخبرات السياسية بعد ما أكون رأيي الشخصي أكيد


ولاء
محدش قال نظرية القطيع يا ولاء
القانون حيتم تمريره كده أو كده
تسجيل المقاطعة أحسن من تسجيل إني رحت و قلت لأ و بعدين لقيت إن اللي قالوا آه أكتر !!
إزاي أشارك في إستفتاء مش تحت إشراف قضائي و عارف إنها حتتزور !!
و لما تتزور أرجع أقول آه أنا كنت عارف بس قلت أشارك برأيي برضه..!

مش فاهم المنطق , أنا رافض فكرة التعديل من أساسها و عارف اللي حيحصل , إنما أشارك في شرعيتها لأ , ولو حتى بصوت واحد مضاد يعلي نسبة المشاركة



دنانير
خدي قرارك بهدوء و شوفي إنتي حاسة إيه أنسب
نقاطع الفساد تماما
ولا نتعامل معاه بملائكية و نروح نقول لأ و إحنا عارفين إنه حيتزوّر في النهاية و كل اللي عملناه خلينا نسبة المشاركة شرعية !!

Anonymous said...

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品