14 February 2007

!بتقولي بحبك قد كده , طب كده دي تطلع إيه






happy falntine



أذكر جيدا ذلك المشهد :

طلبة و طالبات الأورمان التجريبية يحملون حقائب و علب حمراء صغيرة , أحيانا أيضا كانت طالبة هنا أو هناك تمسك وردة حمراء أو باقة كاملة , فأخمن دون شك أن كل هؤلاء ليس لديهم أحد يحبونه و يبادلونه الهدايا في الفالنتاين
و ربما كان ذلك نوعا من الحقد , أن يمتلك كل طلبة الأورمان التجريبية محبين بينما يطل عليهم في الفسحة و من وراء قضبان نوافذ الفصول , طلاب الأورمان النموذجية بنين الذين لا يملك ثلاثة أرباعهم خيال كاف حتى لإختلاق حبيبة وهمية..

لذلك كان مقبولا جدا لدي أن نصف هؤلاء المبتهجين على الأقل , إشترى لنفسه بالأمس علبة حمراء ملفوفة ليقنع الأخرين أن لديه محبوب أو محبوبة و أنه سعيد و يحتفل بعيد الحب..


أيضا في طريق العودة :
طلاب مدرسة الحرية للغات و دار التربية _ثانوية بريطانية _ , يحملون بالونات هيليوم حمراء ,البنات يرتدين كوفيات حمراء و الأولاد يرتدون تي شيرتات أو قبعات حمراء , فأشعر أن الفالنتاين فعلا يوم كامل من التعذيب , يوم قاس و سافل و عنصري ...

كنا إذن نتصرف بشكل تلقائي , حين يفتحون أبواب معتقل النموذجية بنين في نهاية اليوم , لنمارس بحقد حزين غلاسة و تريقة سوداء لاذعة على كل المبتهجين حولنا بعيد الحب..
ونحن...
من يحبنا يا أولاد الكلب ..

أذكر ان بعضنا كان يظل يحكي و يحكي عن كل ما سيفعله مع حبيبته في عيد الحب , التي غالبا تكون من الأورمان النموذجية بنات , (الأورمان شيراتون )التي يفصلها عنا شوارع طويلة تتناثر خلالها مدارس اللغات و التعليم الأجنبي , فنظل نحدق فيه بنهم , نتأمله وهو يواصل الحفر أعمق فأعمق , فنصمت بعد أن ينتهي و نتركه لنتأمل عمق الفجوة التي خلفها وراءه في روحه , ذلك أنه يعرف أننا نعرف أن ما يحكي عنه لا و لن يعيشه هو ولا أحد منا في هذه المدرسة في المذكور : عيد الحب

لا لأنه ليس هناك حبيبات , و لكن لأن الفالنتين لن يكون أبدا براقا صاخبا كما نراه من وراء قضبان نوافذ الفصول في فناء المدرسة الألمانية المجاورة التي يصلنا منها صوت الإحتفال الضخم بعيد الحب و "we will rock u" والأولاد و البنات المتحررين الذين سيقضون بقية اليوم في باخرة ما في النيل أو معا في السينما أو في ناد فاخر ما

أنا أشعر بك بشكل كامل يا wallad shab , أعرف ما تحكي عنه

اليوم سأفكر أن أحتفل بالفالنتين , رغم أنه "بدعة " و يوم سخيف تافه و بلا معنى و ساذج و طفولي , سأحتفل به و أشتري لسوسن هدية في علبة حمراء صغيرة و نبتسم في بهجة غير مبررة كما يفعل الجميع ...

يبدو أنه رغم كل شئ , نفسي أجرب أحتفل بالفالنتين ولو مرة واحدة

هابي فالنتاين داي :)




13 comments:

Nour said...

و جعتني قوي يا محمود.. بعدين جيت انت و سوسن حليتوا الدنيا ف الآخر
:)
بالرغم من كل شيء.. هابي فالنتين يا قريني
:)

big big girl...in a big big world said...

هابى فالنتين من الاورمان المختلطه
:)

bani-adam said...

هابي فالنتين,برغم اني برده عمري ما حسيتله معني,بس اهو هابي فالنتين.

radwa osama said...

فضلت عمري اللي فات احلم بحد يقولي هابي فالنتين ويجيبلي دبدوب ولما حبيت طلع انه ما بيحترمش اليوم ده وبيعتبره اهانه لينا لاننا مكن نحب بعض في يوم زي ده وغالبا بيبقي يوم نكدي جدا

Nouran said...

يعني انا وصحابي النهاردة قعدنا نعمل زي ما كنتوا انتوا ف ثانوي وعندنا ف الكلية ملقناش ولا هدية حد جايبها لحد لما رحنا الحرم لقينا العكس تماما المهم تكون الهدية عجبت سوسن :)

يالا مرة من نفسك تحتفل بيه عقبالنا ههههه

أحمد عبد الهادى said...

شوف يا ابنى أنا لا أعترف بعيد الفالانتين إطلاقا

و ده لأنه مفهوش أجازة

بزمتك فيه عيد مفهوش أجازة ؟

Dananeer said...

ايه الرسومات دى
:)

كل عيد و انت و سوسن بخير

مصطفى عزت said...

يااااااااه يا بني دا انت شايل فى قلبك من زمان ....كل سنة انت و سوسن طيبين

سامية said...

العزيز الجميل محمود: أولا كل عيد حب وانت طيب، ثانياً وعلى رأي عمرو: المفروض الحب هو اللي يحتفل بينا مش احنا اللي نحتفل بيه
:)

كل سنة وانت طيب وربنا يوعدك بحب يحتفل بيك طول العمر

sara said...

يا سييييييدي
هابي فلانتين

M.Al-Qaisi said...

يخيبك يا واد يا حوده
فكرتيني بأيام المدرسة وشارع الدقي اللي اخد مننا ياما

قال وانا لسه بكلمك اليوم عن الزملاء القداما واجتماع بالاصدقاء


ابقى سلملي ع الأورمنجية

نورهان مفيد said...

والله يامحمود اللي بيحب بجد مش بيستني يوم الفالنتين عشان يعيش حبه او يجيب هدية او يقول بحبك
اللي بيحب بجد بيعيش كل يوم حلو مع حبيبه والله كلامي مش حورات ولا افلام بس فعلا حتي الايام اللي بيختلفوا فيها ويتخانقوا ممكن وقتها بتبقي مش اد كده
بس بمرور الوت بنلاقي ان الايام دي قربتنا اكتر عشان اختلفنا واتناقشنا واتصالحنا فقربنا اكترفبجد الحب حلو وحاجة تستاهل اننا نحتفل بيها بس نحتفل لو حب بجد مع حد يستاهل الحب ده يعني الحب حلو لو في وقته ومع اللي يستاهله كل سنة وانت وسوسن طيبين ويارب ماتندم علي حاجة في حياتك ابدا

Pleasant said...

ياااااااااااااااه فكرتني بايام المدرسة
بجد كانت ايام تجنن و نفسي ارجعلها تانى
و هابي فالنتين مع انه مش وقته ههههههههههه

" الاورمان التجريبية "