27 December 2006

عشان كوبا و أدب كوبا




خالد
أيها الصِــدّيق ,

قـمرْ فــَضـــّي
على الضلمة اللي فوق قلبك


"


آه
و احب الناس
و احب البيت عـ البيت
يبات مسنود
و احب الشارع
رافع ..
كفه للضلمة
بضي عمود
و احب القهوة و المترو
و احب المشي عالكورنيش
و احب النيل و لو مرضيش
يشرّبني و قالي مفيش
و احب بنات شبابيكي
و اقول بالعامي و الفصحى
" باموت فيكي "
يا سهرانة كما قمرات بيتغنوا
و احب الشعر
و خصوصا
صراخ دنقل
كلام درويش
و احب منير..
غناه" قلب الوطن مجروح ،
و حدوتة "
و احب سجايري " كلوباترا "
و ادلعها و اقول " كوبي"
عشان كوبا و أدب كوبا
و احب بلدنا
آه يا بلد
و منهوبة و منكوبة
...
و احب الناس
شوارعهم
دي مفتوحة على قلبي
و اعدّي..
في صباح الخير
و اقول خبّي
يا واد خبّي
عن الصاحب
ليفتكرك بتحتاجه
عن الشيخ -اللي..
شبه جدي -
لتفرط سِبحته عيونك
يا واد خبّي عن الدنيا
أكيد في السر بتخونك
و تعشقها

"


خالد عبد القادر
cairo_paris




2 comments:

Mohamed Mehrez said...

أنا قرأتها قبل كده
فين يا ترىىىىىى؟؟
بس أنا متأكد إني قرأتها قبل كده

جميلة جدا

أمل إسمـاعيل said...

زنبقة بيضاء لك يا خالد....

أينما حللت وكنت!