17 September 2006

ولاء



ولاء ..
إسم بيزأزأ ,
و ناس خايفة تقوم الصُبح
تلقى , ماتت العصافير..
ولاء ,
مليون جواب بيطير..
عشان يوصل لأصحابه
و كلـُّـه ,
يوصِلَه جَوابه..
وهي َّ , لأ
ولاء
ناسية القمر في البير
و حاطة الوردة في الشنطة
و راسمة عـ الكتاب بطة
و كاتبة
"نفسي اكون شجرة
بلا أسباب..
و لا تفسير .."
و يجروا صحابها عـ الشارع
و يتسابقوا
وهيَّ
لأ..

ولاء


10 comments:

Anonymous said...

جميل بجد يا محمود
على فكرة أنت شاعر العامية المفضل عندى
بجد و الله

أحمد عبد الهادى

Anonymous said...

يا أبو العزاير

انت عزييييز


عمك

الســـاحر said...

جميله اوى بجد وتكرار كلمت ولاء خله للموضوع شكلو حاطة الوردة في الشنطة
و راسمة عـ الكتاب بطة
و كاتبة
"نفسي اكون شجرة
بلا أسباب..
و لا تفسير .."
دى عجبانى اوى بجد
ربنا يوفقك

hesterua said...

يا بنى بجد انت شاعر جامد والله
واحسن من كتير من المهوميين اللى عندكو فى وسط البلد
بجد ربنا يوفقك
احمد

مـحـمـد مـفـيـد said...

والله يا محمود انت في تقدم يوما بعد يوم
فالي الامام والله بدون اي مجامله

مـحـمـد مـفـيـد said...

نفسي اكون شجره بلا اسباب ولا تفسير

يجعلك تتامل روعه تعبيرك

محمود عزت said...

:أحمد عبد الهادي
أشكرك
ده شرف ليا انا :)


الأنونيمس اللي مش عارف هو مين :

إنت أعز !

الساحر :
أشكرك :)


أحمد باشا البورسعيدي:
ربنا يكرمك يا أحمد


محمد مفيد باشا :

نورتنا و ربنا

أنـــا حـــــــــرة said...

حاطة الوردة في الشنطة
و راسمة عـ الكتاب بطة
و كاتبة
"نفسي اكون شجرة
بلا أسباب..
و لا تفسير


انت فنان قوى يا محمود

Anonymous said...

ma7mood how is wala2

Anonymous said...

ممتاز
maktoobblogs.com/walashakir