29 August 2006

تاج للتاريخ , و لحد ما ترجع سوسن





كنت لما حد يسألني عن رأيي في موضوع التاج , أقوله إنه حاجة سخيفة جدا و مملة , بس ده تقريبا كان قصر ديل , لإني طول الوقت كان نفسي حد يبعت لي تاج و أعمله !
على العموم التاج ده مبعوت لي من محمد قرنة باشا , ألف شكر يا محمد إنك أتحت للبشرية الفرصة النادرة دي



هل أنت راض عن مدونتك شكلاً وموضوعاً ؟
والله هو البلوج ده عامل زي المراية , فالحمد لله على كل حال!


ـــ هل تعلم أسرتك الصغيرة بأمر مدونتك؟
السؤال هو : هو فيه حد في إمبابة ميعرفش ؟!


ـــ هل تجد حرجاً فى أن تُخبر صديقاً عن مدونتك؟ هل تعتبرها أمرا خاصا بك؟
لما يكون ليا مزاج بقول على طول , و هي فعلا شئ خاص


ـــ هل تسببت المدونات بتغيير إيجابى لأفكارك؟ اعطنى مثال فى حالة الاجابة بنعم.
نعم , و السؤال ده بيفكرني بإمتحانات الثانوي بس يلا مش مشكلة
المثال: إني عرفت إن فيه ناس عايشين و جواهم حاجات كويسة رغم إني لو كنت قابلتهم في الشارع أو في أي حتة و إتكلمت معاهم كنت حطلق عليهم أحكام غبية و سريعة , الكتابة بتخلق مساحة واسعة إنك تعرف الناس كويس بشكل حقيقي و بعيد عن أي شئ تاني بيشوش الصورة


ـــ هل تكتفى بفتح صفحات من يعقبون بردود فى مدونتك أم تسعى لاكتشاف المزيد؟
لما بيكون فيه مزاج بفتح أي لنك ولو على حيطة في الشارع!


ـــ ماذا يعنى لك عداد الزوار.. هل تهتم بوضعه فى مدونتك؟
يعني لي إني أعرف إني مش بكلم نفسي ! , و بشوفه كل يوم


ـــ هل حاولت تخيل شكل اصدقائك المدونين؟ اعترف .
أنا في العادي بتخيل شكل أي حد ماشفتوش و بكلمه على النت , بس إيه حكاية إعترف دي ! , هما بيقفشوا اللي بيتخيل ولا إيه!

ـــ هل ترى فائدة حقيقية للتدوين؟
إنك تلاقي حتة تقول فيها اللي إنت عايزه و تعرف رأي الناس فيها


ـــ هل تشعر أن مجتمع المدونين مجتمع منفصل عن العالم المحيط بك أم متفاعل مع الاحداث؟
متفاعل جدا


ـــ هل يزعجك وجود نقد بمدونتك ؟ أم تشعر انه ظاهرة صحية؟
لا النقد جميل بس نادرا لما بلاقي نقد على المدونات


ـــ هل تخاف من بعض المدونات السياسية وتتحاشاها؟
حيقفشوا عليا مثلا لو دخلتهم يعني ولا إيه؟!, إيه السؤال العجيب ده!


هل صدمك اعتقال بعض المدونين؟
أيوه , قعدت ألطم و أعيط في البيت , كانت صدمة عنيفة نقلوني بعدها على القصر العيني خدت جلستين كهربا , بس دلوقتي أحسن الحمد لله

ـــ هل فكرت فى مصير مدونتك حال وفاتك؟
حتفضل موجودة لحد ما بلوجر سبوت هو كمان يموت


ـــ آخر سؤال : تحب تسمع أغنية إيه- بلاش صيغة آمال فهمي دى - ما الأغنية التي تحب وضع اللينك الخاص بها في مدونتك؟
من خمسة لخمسة و نص _ مزاجنجي


ــ اكتب أسماء خمسة مدونين ليقوموا بهذا الاستقصاء بعدك :

عمرو عزت
رضوى أسامة

رشا أسامة
محمد مفيد

نوران
أو أي مدون أخر في العائلة الكريمة

8 comments:

ana ga3an said...

مساء الخير
معلش انا بكتشف لسة العالم الظريف بتاع المدونات

نورهان مفيد said...

انا اول مرة اشوف مدونتك كنت شوفتها مرة زمان وحسيت انها كئيبة شويه بس انت طورت فيها كتير ربنا معاك يادكتور محمود ويارب احسن واحسن

Mohamed Mehrez said...

طيب وانا مش تبعت لي تاج يا عم؟؟
هههههههه

غادة said...

ازيك يامحمود
بس انا لاول مرة ما افهمش العنوان
اية العلاقة بين التاج وسوسن دى
وبينى وبينك يمكن العيب فى الاطفال
هههه

The M said...

أنا من امبابة ولسه مكتشف موضوع البلوج بتاعك بالصدفة...على فكرة أنا أعرفك كويس جدا...أنت كنت في الأورمان أيام أبتدأئي صح

محمود عزت said...

إزيكم كلكم
إزيك يا جعان و إزيك يا نروهان و معلش يا محرز باشا و حفهمك بعدين يا غادة متقلقيش

الأخ إم !
أيوه أنا كنت في إمبابة لحد تالتة إعدادي
إنت مين بقى :)؟

The M said...

أنا السؤال والجواب...أنا بشر عامر عبد الظاهر
هي هي هي....على فكرة أنا عارفك قوي قوي...ممكن تسأل محمد أسامة أو أحمد فتحي

وائل احمد said...

كنت اتوقع يا محمود انك هتختار اغنيه اقوى من كده شويه يعني حاجه في مستوى العنب العنب او اي حاجه من ابداعات عماد بعرور