18 June 2006

عم تتحلي , إمبارح قاللي , ترم ترم




الأمر بيبقى مأساوي جدا لما يبدأ (المصلح العام لشئون الكرة الأرضية) في الإحساس إن شأنه الخاص جدا و الضئيل جدا بقى عبء على الكون!
و التفكير طوال الوقت بطريقة "ترميم العالم " بيحوّلك لمتلهف للوصول إلى ذراع مجاور , تتشبث بيه و يتشبث بدوره فيك , المشكلة إنك خلال دايرة الأذرعة المتشابكة ذهابا و عودة و اللي بتبدأ منك و تنتهي بيك , لما حتبص مرة تحت حتشوف إنك جزء من عمود ضخم من ملايين ملايين الدواير اللي بتدور حوالين نفس المركز و ممتدة لعمق إنت مش شايف آخره ,
و ده حيوفر عليك طبعا إنك تبص لفوق لإنك حتواجه نفس المشكلة _ترميم العالم بدأ من زمان قوي على كده !_
و في وسط كل الدواير دي و رغم إنك حاسس إن فيه مشكلة عويصة جدا , واحدة و ثابتة , كل دول بيحاولوا يحلوها , بتفضل مشاكلك عاملة زي الخلفية الرئيسية للمشهد!
نرجع للشأن الخاص و الضئيل جدا
أنا النهاردة و أنا طالع سلم بيتنا قلت , هيا كلها بتلف تلف و ترجع لنفس الموضوع ,
يارب مدخلش الجيش و التكليف يبقى في الجيزة و أتجوزها و إمتحان بعد بكرة يعدي على خير..


(المسئول العام عن شئون الكرة الأرضية)


8 comments:

Nour said...

يارب متدخلش الجيش و التكليف يبقى في الجيزة و تتجوزها و إمتحان بعد بكرة يعدي على خير..

**
آمين.. آمين.. آمين
يا محمود يابني
روح الله يسعد أيامك
:)))

سوزان said...

آمين يا محمود
بس وقف الكرة الأرضية عن الدوران لأنها دوختني

MAKSOFA said...

محمود عزت
المدونة بتاعتك بتطلع عندي بحروف هيلوغريفي حاولت مع الأنكودينج ومافيش فايدة

محمد سيد حسن said...

محمود يا عزت

روح يابني

إلهى يوديك الفيوم

Anonymous said...

يا رب التكليف يجيلك فى حتة حلوة مفهاش نموس ,,
ويا رب ما تزعلهاش ابدا و تتجوزها ومتزعلهاش برضه
ويا رب تدخل الجيش :p


عملت ايه فى الامتحان؟

ولاز

Anonymous said...

بالمرة
يا رب متنساش شئون ترميم العالم بعد كدا

ولاء برضه ,,

mzzzza said...

gameeel

ghada said...

يا محمود ما تشيلش همومك وهموم غيرك
وكلة بيجى فى ميعادة
وكمان وعسى ان تكرهوا شيئا وهو خير لكم ويارب التكليف يبقى فى الجيزة وتتجوزها
هههههههههههههه