15 May 2006

ينعل أبو أم القصيدة



تِعْجِبني أُغنيّة ,
أغنّي
اكتِبْ قَصيدة ْ
الفِيلم يِعجِبني ,
أغنّي
اكتِب قَصيدةْ
البِنت حِلوة ,
تِبتِسم
اكتِب قَصِيدة ْ
تُقوللي : وازّيك؟ ,
أغني
اكِتبْ قَصِيدةْ
وكِلْمة عَـالحِيطة ,
أَقَف
واكتِب قَصِيدة ْ
قَصيدة حِلوة ,
وبَعْدَها
أكتِب قَصيدة ْ
وفَاتِح الكُتُب الكِتيرةْ ,
أزّقَهَا
واكتِب قَصيدةْ
و عَنْدي بُكرة
إمتحانْ !
يـِنْعَل أبو أُم القَصِيدة ْ
و برضُه اكمِّلها
و افَكّر
في خيال كِلمَة بِعيدَةْ
أفتح الشبّاك ,
أبـُص
اكتِب قَصِيدة ْ

21 comments:

سَيد العارفين said...

we maloh mosh 3eeeb

elmohem tekteb qaseeda 7elwa
yen3al abu elemt7anat ya akhy

7elwa awy ya ma7mouud

Nour said...

!!!الله يحرق الغمتحانات بجاز أسود

إهيء
:'(

عمرو عزت said...

و تخش ع النت
تلاقيها
تبتسم
تكتب قصيدة
(:


و أخش انا
اقرا القصيدة
و ابتسم
و اكتب : جميل


جميل

ماشى الطريق said...

مش ممكن يعنى تكون الأمتحانات مسيطرة عليك أوى كده يا أخى
ينعل أبو الأمتحانات

Anonymous said...

ياااااااااااعزت


خش ذاكر احسن لك


عمك محجوب البيرقدار

محمد سيد حسن said...

يلعن أبو أم النسا يا أخي

Amal Ismail said...

Hi 3izzat!
I think that all of us feel like you, but really I miss studying mid night! How I could forget that the most wonderful poems were written in such conditions!
Now.. I am free, somehow, but I can't write!
Can you lend me one of your exams?

**********

Mr. Sayed Qasab!!!!
You will pay for what you say! Believe me.. I promise!


(sorry to write in English, but I have no Arabic in this computer!)

Anonymous said...

النسا النسا النسا

يا جدعان عيب انتو داخلين على الراجل اودة النوم كدا


الله يخرب بيوتكم


والله يحرق النسا والاطفال وفي معيتهم الباطنة

قولوا

آمين


محجوب الراكبدار

ٌRamy said...

محمود,
هو ده حال الملايكه يا صاحبي

رامي

لا أحد said...

da men 7azena ya fanan

metkazy said...

على فكره يا دكتور محمود كلام امال صح احسن حاجه ممكن تطلعها بتيجى ساعة الامتحانات0
ناس كتيييييير جدا كده0


زميلك فى كفاح الطب المنيل بس جامعه تانيه
metkazy
الطب للجدعان

Anonymous said...

يلعن أبو أم المذاكره والأمتحانات والنسا والأطفال وعليهم الرجاله كمان :-p

rasha said...

معلش هي المذاكره كده بس هانت

radwa osama said...

حلوه قوي

Geronimo said...

ربنا يكون في عونك

محمود البنــَّـا said...

وماله يا سيدى إكتب براحتك
وإياك تكتم الحرف
وطظين فى الامتحانات ..
الحرف باقى جواك إنما الامتحانات والنجاح والتفوق ماعادش منه لازمة ...
أسأل مواطن مختوم !!
ها يجاوبك ..

Omar said...

مساء الفل يا سيدنا، محتاجك في أمر عاجل ومهم، يا ريت تبعتلي ايميلك أو تقوللي أكلمك ازاي
tagreba@hotmail.com

عمر

mai said...
This comment has been removed by a blog administrator.
mai said...

حلوة اوى احلى حاجة فيها بساطتها لو كل ما تضايق او تفرح او تحس تكتب قصيدة .. على كدة دواوينك مغرقة مصر

Anonymous said...

I have been looking for sites like this for a long time. Thank you! » »

Anonymous said...

Excellent, love it! »