24 April 2006

,......دورية حزن




على قلبي ,
دفنت الناس جميعا
و خبّيت العيال اللي خدوا البلي الملون ,
هددوني بالعصاية
و البنانيت اللي ما رضيتش ألعب جنبهم..
ولا لعبت معايا
و الهدايا ..
اللي قعدت أستنى فيها
و اللي كانت فـ الدولاب ,
و الحواديت اللي كان بابها ورق ..
قطّعت فيه
ملقيتش باب
كان نفسي أخش ..
كان نفسي أقول اللي مقلتش ,
لما كان إيدها في إيدي
نعدي شارع مش عارفنا
ونِفْسنا
نلحق نعدي
قبل ما نكبر
و توحشنا إِيدينا
و السلالم
اللي كانت فوق و عالية
نفسي أنط على الجنينة
بس خُفت..
و قمت نازل
و الأغاني
كنت أغنيها لوحدي
بس ما عرفتش أغازل
و الفصول اللي دخلت ,
و كنت فيها
أحلى واحد يكتب التعبير
و يرسم بونبوناية
كل ده
فوق أعلى حتة فـ قلبي
خدّته
و رحت دافِن
أصلي ناوي لما أمشي
من هنا
ما اوحشي حدّ



10 comments:

moro said...

لا تعليق... ولا تصفيق...
بس بصراحه... تأثيرك فيا كان عمييييق
انا قريت أرشيفاتك كلها تقريبا... انت معلم

change destiny said...

مش حتمشي و لو مشيت حنيجي وراك

radwa osama said...

ياعم يا عم ..حلوه يا محمود قوي
ما تبقاش تتاخر علينا كده

أمل إسمـاعيل said...

هذه ليست قصيدة يا عزت..
هذه "تقرير حياة".
مقدمة.. عرض.. خاتمة:


على قلبي ,
دفنت الناس جميعا



قبل ما نكبر
و توحشنا إِيدينا


كل ده
فوق أعلى حتة فـ قلبي
خدّته
و رحت دافِن
أصلي ناوي لما أمشي
من هنا
ما اوحشي حدّ




اسمي يخولني دائما لأتساءل:

لماذا...

ل
م
ا
ذ
ا


؟؟؟؟؟؟؟؟؟؟

عمرو said...

إنت واحشنا بالفعل..

جميل يا محمود برغم الحزن

لا أحد said...

لن اقول رائع او جميل وغيرها من العبارات العادية عزيزي انت موهوب بمعني الكلمة ولا تضن علينا من الكتابة التي اتباعها دائما
يوما ما سيسطع اسمك في عالم الادب لامام دائما

محمود عزت said...

مورو باشا , أشكرك!

تشانج ديستني , كلنا حنمشي للأسف , خليكوا هنا بس إبقوا إفتكروني!

أمل , والله الموضوع شكله كبير! , بس الحكاية إن الحزن بيعدي علينا زي الدورية بالظبط و يعمل تفتيش و يمشي :)


عمرو , وحشتوني بجد!

أحمد حسن باشا , أشكرك يا باشا!

Anonymous said...

صعب جداً-بل مستحيل- ما توحشي حد!
ربنا يجعل دوريات الحزن عليك خفيفة..مش هقول ما تجيش,لازم تيجي شوية عشان نعرف قيمة السعادة بعدها!

أهم من أي حاجة ان البلوج ده ما يفضاش من كل جديد من كتاباتاك الممتعة
و ما تمشيش من هنا!

Anonymous said...

Very nice site! South carolina powerball lotto Group health insurance for small companies http://www.air-purifier-0.info Anti free remover spyware average weight loss with bontril golf resorts Popup blocker shields Car covers umaxppc ge dryer Propecia without a presceiption dunlop tires George 5c 27s answering machine seinfeld Uk call center lexapro and vitamin b 12 jenna jameson

Anonymous said...

It's not my first time to visit this web site, i am browsing this website dailly and take good data from here everyday.

my weblog: バーバリー 時計