21 March 2006

,....الست اللي في المطبخ




الست اللي في المطبخ ,
بتظبّط الميزان
بين كل ما أنا بشتهي
و الكون
و تحضر الدنيا لعيني
عشان أقوم
ألاقي جنب سريري , فـ الصبح
اللبن ,
بوسة قطيفة ,
و دعوة أكون
مبسوط ,
و فرحان ,
يعملولي ,
فـ الميدان تمثال!
هيّ اللي فـ الأمثال..
تقول :
"كون , منه كون يُخرج ,
و شمس و ِضلّ ,
ليه بيكون ,
يدور حواليه "
أمي ,
يا آخر شجرة في التاريخ
تطرح ولد ,
يفضل متبّت عـ الغصون..
فتميل عليه
كان نفسي أقول فيكي ,
اللي ما قالوا بشر
لكن دا بس , اللي العيال السودا زيي ,
للأسف ,
تقدر عليه


12 comments:

أمل إسمـاعيل said...

(( كان نفسي أقول فيكي ,
اللي ما قالوا بشر
لكن دا بس , اللي العيال السودا زيي ,
للأسف ,
تقدر عليه))

*****************

والله يا رفيق الحرف
لا "العيال السودا" ولا "العيال البيضا".. ولا حتى "العيال المخططة" تقدر عليه!!!

mzzzza said...

bravooooo a handred time bravooo,i hop you make mestak for once time and write a bad thing ,gameeeeeel bgad

ٌRamy said...


بتظبّط الميزان
بين كل ما أنا بشتهي
و الكون


تسلم الأيد اللي كتبت يا محمود

كلمتينك بكوني يا صاحبي (لو تسمحلي طبعا), بكوني بجد

إياك تغيب تاني يا فنان, وربنا يولع في الكلية إن شاء الله

sonia said...

ايه كل المشاعر دى .......دانتا هتخلينى اغير رأيى فى الامهات..اعظم حاجه فى الدنيا لما الام تكن أم بجد

انا مصري وابن مصرى said...

كدة غلط خالصصصصصصصصصصصصصصص

tamer said...

الام هى الحب الحقيقيى فى حياة كل انسان

ربنا يوفقك الى الامام

محمود عزت said...

أمل باشا إسماعيل :) ..شكرا بجد !
mzzzzza ,أشكرك!
يا رامي باشا إسمحلي أنا اشكرك, ربنا يخليك و يسمع منك!
سونيا , هو فيه أمهات مش بجد؟!
مصري و إبن مصري , عندك حق وربنا , كده غلط.
تامر باشا , أشكرك! :)

ghada said...

الحب الوحيد اللى تضمن انة مش فية
انانية _انة يسيبك فى يوم من الايام_اللى مش غرضة مصلحة_اللى بيوريك الحلو فيك _اللى بيشجعك لقدام_اللى ما تخافش ان حد هايخدوا منك اعظم فى الجاة او فى المال_لو سافرت واتغربت ميت سنة ترجع تلاقية زايد مش ناقص_الحب اللى مايهمهوش شكلك حلو ولا وحش عندك شقة ولا لاء هههههههههههه وطبعا فاهمين الباقى

Anonymous said...

ما فائدة الكلمات ؟

مليارات الكتب و ملايين الكتاب و الحياة تمضي من سيء الى اسوأ و الجهل بإزدياد

Anonymous said...

Enjoyed a lot! » »

Anonymous said...

Cool blog, interesting information... Keep it UP »

اضف وصفتك مع ملك الارز said...

بشكركم على المدونة المميزة دمتم بودو اطلعوا على وصفات شهية اخرى معنا
طريقة عمل المندى السعودى
اكلات بالارز البسمتى