07 March 2006

شاطِر حسن




شاطِر حسن..
من أول الحدّوتة قال :
الحلم سلطاني !
و شال ,
إسمه و روّح ,
من حواديت العيال .
بنت السلاطين الجميلة ,
لو يجيب ليها الفيونكة
اللي خطفها الغول ,
فـ غابة ,
بعد ضلمة ,
و بعد آلاف الجبال
راح يشكروه ,
يدّوله حاجة
بس ست الحسن كانت
إشترت
مليون فيونكة
و نسيت اللي راح و حارب
ألف وحش وْ غول
وعانى ,
ودمه سال
واللي كل اللي حكاه ليها
و قالتله بعدها :
شاطِر , حسن.
أيوه صحيح...
شاطِر حسن ,
علشان نسي الرحلة و قال :
الحلم سلطاني !
و شال ,
إسمه و سافر ....
من حواديت العيال



16 comments:

MaLek said...


وياترى كان العيب فين او من مين ؟؟
جامده يا حود

ماشى الطريق said...

الفكرة حلوة جداً وحاسس إنها واقعية جداً

زبادي said...

كل مرة اقرأ لك أجي عند النص وأقول يارب ما تخلص

أمل إسماعيل said...

ذكرتني بحكاية مفبركة تناقلتها الإيميلات عن "سندريلا الفلسطينية".. في تصور لما يمكن أن يوازي التفكير الجمعي العام.

... جدتي - الله يرحمها - كانت تبهّر كل حكاياتها بالغيلان، لكنها لم تذكر لي أبدا سيرة الشاطر حسن، لأني كنت أمثل في تلك الفترة: حسن صبي.. بشحمه ولحمه!

أذكر فقط صوتها يردد: لولا سلامك سبق كلامك كنت خليت وحوش الجبل تسمع تكسر عظامك!

الله يرحم!!

Nour said...

عجبتني قوي قوي قوي

:)

rasha said...

حلوة قوى ..وهو مين الشاطر حسن ؟

Anonymous said...

أيوه صحيح...
خايب حسن ,
علشان نسي الرحلة و قال :
الحلم سلطاني !

ولاء ,,

Anonymous said...

لى حواديت العيال
شاطرحسن
حب المغامرة والخيال
هى الفيوينكة بغيته
هى البنية بغيته
هى اللى لما حبته
طال شعرها
حب المغامرة والخيال
خلاه يكون
شاطر حسن
خلاه يكون
فى الحب فارس للعيال

-2-

Anonymous said...

جميلة كما كل مرة
شاطر محمود!

change destiny said...

بين علاء و حسن . يا قلبي لا تحزن

Anonymous said...

عارف يا ابو عزت

كل يوم (اصطبح ) بالمدونة دي

و بعد ما اعمل اصطباحة ارووووووووح عالدنيا

:)


بعدي كل يوم بس حبيت اصبح عليك النهارده


صباح الفل يا حج

خالد عبد القادر

شبراااااااااااااااااا

سامية said...

الله ينوَّر يا محمود

قصيدة جميلة جدا

محمود عزت said...

مالك , العيب في الحدوتة!

ماشي الطريق ,أشكرك

mfm , ربنا يكرمك :)

أمل إسماعيل , كل الحكايا نفس الحكاية!
الله يخلي جدتي , بتقول: طول عمرك نصاب

قريني , أشكرك :)


رشا , الشاطر حسن هو الشاطر حسن :)

ولاء, معلش بقى.نصيبه!

أنونيمس , شاعر قديم شكلك ..قولي إنت مي طيب؟

أنونيمس , أشكرك! :)

تشانج ديستني , صحيح...يا قلب لا تحزن..كل الحكايات حزينة

خالد باشا , ده إصطباحي أنا اللي زي الفل عشان إنت هنا...عامل إيه يا باشا

سامية , أشكرك , ربنا يخليكي!..إنتوا فين بس!

Anonymous said...

Cool blog, interesting information... Keep it UP Post op tranny video car stereo wiring Latino and black interracial dating Alien sex fetish comics amateur porn reality Botox leeuwarden clearwater florida share time Sex free adult cartoons psychology of oral sex Fat woman s vagina austrian sex drink turn on Hot horny lesbians .wmv Online xanax tramadol on line delaware state tax info Ali larter anal sex Pill impotence

Anonymous said...

Wonderful and informative web site. I used information from that site its great. Attorney steve tsagaris tarpon springs florida

Anonymous said...

This is very interesting site... Milf hunter shelly Tired on effexor