30 January 2006

جُــندي مُجنـّد


جُندي مُجنّدْ ,
في المُظاهَرَة ْ
ولا اعَرفْ حَدّ
ولا حدّ قاللّي في الِميدانْ ,
انا حَاعمِل إيه
البَاشَا يُؤمُر , نِجري
يُصرُخ ,
نِستَعِدْ
و يقوللّي : إضرَب
أعمِل اللّي يقُول عَلِيه
ولا حَدّ
في صَف العَسَاكِر ,
يوم ما بتجيلُه الأوَامر
حتي يقِدَر جُوّه خُوذتـُه
يرنّ فِيها إزّاي و لِـيه
جُندي مجُندّ
يُوم مَا جِيت انا مِالبَلَد ,
وشّي دَا كان غِيطْ يُوسْتَفَندي
لِيه وِلاد النّاس هِنا ,
يتـَفّوا عَلِيه ؟
جُندي مُجنّد
بَس انـَا
آ و رَبنا
نِفسي ,أروّح من هِنا
مَا ارجَعْ إلِيه
بس النَصِيب
واللّي إتْكَتَب
جُندي مجُنّد

10 comments:

change destiny said...

ممكن بكون دة سبب كوني عايزة أدخل الجيش
:)

واقعية و تخليك مش عارف تضحك ولا تكتئب

عمرو عزت said...

مقولة للجنيد الصوفي
لا أذكر نصها جيدا
فحواها :
ان لله أولياء كلهم لو أقسم علي الله لأبره .. و لو تلاقوا لأمسك بعضهم بتلابيب بعض


" و لولا دفع الله الناس بعضهم ببعض لفسدت الأرض "

محمود عزت said...

تشانج دستني:
عندك حق , لو شفتي وشوشهم وهما واقفين خايفين من المتظاهرين قدامهم و بيرتعشوا من الرتب اللي وراهم تحسي إنهم أبئس أهل الأرض..


عمرو عزت:

يقول الزعيري:
و برغم قومك يا يمام بدري
تيجي النهاية
و يدبحك نشوان


ليس يأياديهم و لا هراواتهم , هي أيادي و هراوات الخوف من التعذيب في زنازين التأديب , أيادي و هراوات الرتب المعلقة في الخلفية
فاكر العسكري اللي هتف كفاية؟
على الأقل إن لم يهاجمونا , لا نضاعف بؤسهم بالصفعة الأولى...
ليس أكثر
كلانا مضطر , وهم لم يختاروافعليا

جميلة جدا مقولة الجنيد!

tamer said...

اشكرك على البوست الرائع والعرض الطيب


بس البأس ممكن يكون لية حل؟

ربنا يوفقك

الى الامام

سامية said...

فكرتني بتصوير تميم البرغوثي لهذا المشهد في قصيدة قالوا لي بتحب مصر.. من أكثر الحتت اللي تأثرت بيها في القصيدة

Hope said...

يُوم مَا جِيت انا مِالبَلَد
وشّي دَا كان غِيطْ يُوسْتَفَندي
لِيه وِلاد النّاس هِنا
يتـَفّوا عَلِيه ؟

حزينة جدا و جميلة جدا-الكل غلبان في هذا الوطن

محمود عزت said...

ياجماعة أنا كاتب هنا رد!

يظهر إتمسح في لوثة البلوج الأخيرة

تامر:

أسوأ الإفتراضات هي الحلول , أفضل الحلول : الحلم :)


سامية :

فعلا , تميم فنان :)


هوب:

الكل غلبان فعلا..عندك حق

ghada said...

اولا ربنا معاهم
ثانيا يرحموهم
ثالثا لو يهتموا بالتهذيب النفسى فى الجيش والحالة النفسية للجنود كل حاجة هايبقى ليها هدف وسبب

Anonymous said...

That's a great story. Waiting for more. Free bingo downloads off line Craps free download for windows mplay free slotmachines sport Images from video games Placement of area rugs Atopic dermatitis information teen voyeur exploited happy interracial

Anonymous said...

Where did you find it? Interesting read Missouri lathrop laser tatoo removal Pontiac aztec parts Total comander ppc Debt litigation watch University of phoenix law Dusney porn