17 January 2006

"مقطع أخير من "مفضلش حد


مَفْضِلش حَدّ
يقوللي مالكْ يا غَريِبْ
لو حتّى ما يعرَفش طِبْ
يعمِل طَبيبْ
ييجي يطَبطبْ
عـ اللي نِفسُه يُــقول لِحَد
"شُـكراً
أنا كويس بِجَدْ.."
مَفْضِلشْ حَد

.

جبت لها لنك :) , و الشكر لـ عمرو

9 comments:

سامية said...

مقطع رائع يا محمود.. فعلا الواحد لما قرأ القصيدة دي حس انه نفسه في كمان

المهم انت كويس بجد؟

الشعر أصله "تهمة غامضة وكل شاعر وله جزاء"

محمود عزت said...

سامية:

أشكرك, اما عن انا كويس فدي حسب المقطع ده يبقى أنا عايز حد يسألني عشان أجاوب و مادمتي سألتيني فأنا كويس , بس لو كنت كويس مكنتش كتبت المقطع ده! و بكده نرجع للسؤال الرئيسي : إزيك يا سامية؟..عاملة إيه؟

كل سنة و إنت طيب
متنسوناش

عمرو said...

جميل يا محمود .. ربنا ينولك اللي في باللك :)

الوصلة للقصيدة أهي:
http://nournour.blogspot.com/2005/12/blog-post_113469562751198620.html

سامية said...

انت كده حتخليني أضطر أبقى بوشين .. منين أتمنالك تبقى كويس إذا كنت وانت مش كويس بتكتب الكلام الجميل ده!؟

وبعدين ننساك إيه يا راجل! ده الواحد لما بييجي هنا بيحس ان الدنيا لسه بخير

كل سنة وانت طيب
:)

عمرو عزت said...

محمود لما حد بيقوله مالك بيهب فيه بنرفزة
علشان غالبا بيكون منكفيء علي ذاته بيالف قصيدة

ايقي قابلني لو سالت فيك تاني

"
أما انتا
ما يتمرش فيك
العيش بجد
"
موزونة مش كده

change destiny said...

أصل الدنيا يا صاحبي مفارق
يوم نتلاقى و يوم نتفارق
نضحك نبكي شيء مش فارق
بس يا صاحبي أكيد هنحود
لو حزنك زودها و زود
حود لأحسن تاخد عالأحزان
خايف للأحزان تتعود

متستناش حد

محمود عزت said...

عمرو:

أشكرك!,,إنت أجمل!
طيب إزاي أقدر أجيب لنك أي حاجة تاني..معلش..مبتدئ زي ما انت عارف :)


سامية:
وإنت طيبة يا سامية
أنا عندي حل ..إتمني لي إني أكون كويس..فلما بكون كويس فأنا كويس..ولما أكون مش كويس حأكتب و لما أكتب حكون كويس!
تمام!

ربنا يخليكي يا سامية :)


عمرو عزت سلامة :

طيب خللي الأسرار العائلية دي للبيت..
يعني لازم أقول إن اللي بييجي يقوللي كويس ده بيروح ضاربني على دماغي أو يزقني في كتفي!
مالازم أتنرفز طبعا!
لا مش موزونة :p


change destiny:

أستنى مين
مفضلش حد!

hesterua said...

شوف يا عم محمود
مش كل ما اجى هنا
أو اروح عند عمر مصطفى
هقولكوا كلامكوا جميل
سيبنى اتكلم على راحتى
بجد كلامكوا بيوصل بسرعة
ويرشق فى القلب
بجد فى وسط المسخرة اللى بنشوفها تحت مسمى الشعر
عن نفسى شايف ام كلامكوا جميل وصافى وشفاف وكده وكده وكده
بجد اتمنى ليكوا التوفيق
بالنسبة للتكملة
ارجع للقصيدة الديسمبرية
تحياتى

محمود عزت said...

شوف يا عم احمد , ربنا يكرمك , إنت راجل زي الفل :)

قول اللي عايز تقوله , ردودك بتسعدني جدا يا أحمد باشا أوف بورسعيد

أشكرك :)