02 December 2005

اللي بيحبوا


هُمّا اللّي بيّحِبّوا , بِيمشُوا..
فـ الشَوَارعْ زيّنا
و بِيْضْحَكُوا
و بِيكْذِبوا ؟,
هما اللي بيّحبوا ,
بيصحوا زينا من النُومْ
و بعْدين يُخْرُجُوا
يتْكلّمُوا ,,
و يتْكرْكِبُوا ؟
حَبّيتْ
لقِيتْني بَقِيتْ أَنَا
مِشْ عَارفْ أحْكِي فـِ إيهْ..
ولا إيه أكتبُهْ..
و اسألْ
طبْ زيْ إيه هُمّا ,
ومِينْ ,
هُمّا
اللّي بِيْحــبّوا,,


4 comments:

radwa osama said...

عارف اجمل حاجة فى الحب ايه؟
انك تكون انت وانت بتحب ..القصايد كلها تجربه حلوة قوى انا شايفه انك متميز جدا فيها ..وبتعبر عنك بصدق وانت كمان عبرت عن القصيدة بصدق

Omar said...

زيك كدة يا ابوخليل.. ناس جميلة وعلى راحتها

محمود عزت said...

أشكرك يا رضوى

أشكرك يا عمر! , وحشتنا!

ghada said...

اعتقد ان اعظم معنى للحب
لنك ما تعرفش توصفة
بس بجد تحفة حلوة اوى