09 December 2005

!دي مصر,,دين


نِعمل مَراكِب مِن كِتابْ الدِينْ
و نِحِبْ مـُـلكْ المـُـنْشِدينْ
و البـَحّةْ فِي آخْر الأَدانْ
أحلى مَزَِاجْ و عُيــُـونْ و أرَابيسكْ و وِدَانْ
والناس بتاعِتْ عَمْرو خَــالِد,,
واللي تاهتْ في المَوالِد,,
و الطريقةْ
و الدُقُـونْ
و مقصّرينْ البَنْطَــلُون
و الجينزْ ...بس مُـــؤدَّبينْ !
و حِجَابْ و تَحْجِيبة و هَجِين
ناسْ مُؤْمِنَةْ و موحْدِين,,
تِعمِل ذُنُوب بِيضَا
ما يكتِبْها المَلاكْ
و تبص في خانةْ الدِيانةْ
تلاقِي فِيهَا :
طَيّبــِـيــــنْ


15 comments:

Omar said...

انت فين من زمان يا محمود.. انت شاعر من الصف الأولاني بدون أي مبالغة، سعيد جداً لاكتشافك.. استمر يا جميل

ابن مصر said...

قشطة... جميلة قوي

Nour said...

دانتا اللي طيب يا محمود

طبعا كالعادة جميل

:)

SPRING said...

ايه يا عم ده؟ انت اللي كاتب الكلام ده؟

محمود عزت said...

عمر :

أشكرك! , أنا اللي سعيد إنك هنا يا أبو عمر :)


صن أوف إيجيبت:

قشطة...شكرا يا ريس!


نور :

ده بعض مما عندكم يا فندم!
إنت لازم تقري البلوج حرف حرف!
أوك؟ :)



الإخوانجي القديم ربيع:

تفتكر إنت إيه؟ :)

Mr-Biboooo said...

ايه ده انت كنت فين من زمان بجد انا بضم صوتى لصوت عمر

محمود عزت said...

مستر بيبو باشا:
صوتك جميل :)
أشكرك

morganite said...

تصدق كتبت إللى جوايا كل واحد حر نفسى فى دين الطيبة شكرا

ghada said...

فعلا التشتت اللى احنا فية دة غريب جدا
بس بينى وبينك الواحد مابيصدق يلاقى طريق ولما يقتنع انة صح حتى لو غلط بيتبت فية بايدية واسنانة
وعلى فكرة دة قمة الجهل
بس بينى وبينك بردوا على الاقل اهم حاجة النية
مش نيتك ربنا يبقى خلاص
هومنطق غلط اة بس دة اللى فى ايدينا دلوقتى

noway14 said...

كلامك جميل و بيبرز صورة موجودة بالفعل و هي إن الناس لسه فيها خير و بتتشد للي يقولها كلمة تفكرها بربنا مهما كانت عاصية و لاهية و بعيدة

Anonymous said...

Best regards from NY!
» »

Anonymous said...

Cool blog, interesting information... Keep it UP » » »

Anonymous said...

best regards, nice info film editing classes

Anonymous said...

Where did you find it? Interesting read » » »

Hassanof said...

Basha wallahy :))
7elwa awy :)